Ashikoto a joina Generations

0
195

Omunyandi dhingi moshilongo, Dalton Ashikoto, oshiwike sha ziko okwa tseyitha kutya ota ka tameka okunyanda mu yimwe yomiinyandwa yaSouth Africa, unene tuu Generations:
The Legacy, oku tameka omwedhi nguka.

Shika hasho oshikando shotango Ashikoto ta ka nyanda miinyaandwa mbika, sha landula sho a li a nyanda okuza mo 2014 moshinyandwa shoka sha Rhythm City, onga oye Mr Gwere.

Ashikoto okwa lombwele Kundana ta ti ngashingeyi ye ota ka nyanda onga Mr. Gumbie. “Oshitopolwa shandje mokunyanda muka otandi ka kala Mr Gumbie, omunangeshefa ngoka ena oombepo ombwaanawa noku na oombinga mbali ngele tashiya puunangeshefa,” Ashikoto ta ti ngaaka.

Okwa gwedhapo ta ti aatali otaya ka uva kombinga yoshitopolwa she muGerneration okuza ashike petameko lyomwedhi nguka.
Ashikoto okwa ti okulyoina kwe muGeneration okwa holoka sho ali a nothelwako komukwateli gwe komeho ngele tashiya miinyandwa kutya Generation ota kongo omunyandi ngoka a pyokoka nawa opo aka dhane oshitopolwa shuunangeshefa.

Nonando Ashikoto ali a mono ompito ndjika ombwaanawa onga Mr Gumbie, okwa ti ye okwa li a hala oku dhana pamwe nomunyandi omu South Africa Connie Ferguson, ngoka a tseyika nawa onga Karabo Moroka, oshoka oku hole iilonga ye naashoka ha ningi. Ashikoto okwa li a hala ishewe oku dhana pamwe nomunyandi Sello Maake ka-Ncube.

Ashikoto omvalele yomoKatutura, moshilando pangelo.Okwa kala noku dhana uunyandwa oundji moshilongo nopondje yoshilongo.
Ondjila ye yoku nyanda oya tameke mo1994, manga a li ta ilongele uungomba moKenya, Nairobi koshiputudhilo shoUniversal College. Ashikoto okwa ti manga nee ti ilongo ngaaka okwa li a mono ompito ombwaanawa sho a li a dhana ongaRomeo, mokafeelema kedhina Juliet na Romeo.

Omvula ndjoka Ashikoto okwali ishewe a dhana onga Martin Luther King mokafeelema hoka ka etwapo ku Lazarus Jacobs kedhina I have Been To The Mountain Top, kali ka ulikwa moshilongo ashihe.
Momumvo 1995, oyendji oyali ya tseya Ashikoto sho ali ha wilike opologalama yoko NBC yedhina Penduka.

LEAVE A REPLY

Please enter your comment!
Please enter your name here