Ongombe ya vala uutana uukumithi

0
428

Ongwediva- Oshigwana shomomukunda Okiimbi moshikandjohogololo shUukwiyu-Uushona oshali sha haluthwa koshiningwanima inaashi monika monale sho ongombe yali ya vala uutana tawu limbilike.

Mwene gongombe Esther Stephanus okwa lombwele oshifo shika kutya ongombe oyali ya vala uutana wuli uuyali, kamwe komuwo okeli nawa nokatiyali okena omitse mbali nomakutsi gatatu. “Iilyo yimwe oyili owala nawa kakele owala kwaahoka kena omitse mbali nomakutsi gatatu,” Stephanus ta hokolola.

Stephanus ota ti ongombe oyali yi itsuwa ya vala okupendukila etiyali lyoshiwike shika.
“Katu shi nee kutya oya vala ethimbo peni shaashi otwe yiitsu ongula yonena sho yali ya ka kongwa shaashi ina yi lala mo megumbo,” Stephanus.

Stephanus okwa hokolola kutya ongombe oyili nawa kolutu kakele uutana owa si.
Stephanus ota ti oshinima oshali shemu halutha oshoka ine shi tsakaneka nando onale.

Kepulo kutya uutana otaye wu ningi ngiini, Stephanus okwa ti otaye u pepo oombwa.

LEAVE A REPLY

Please enter your comment!
Please enter your name here