Aini oye Miss Mshasho

0
169

Windhoek – Okwali uusiku wekondjithathano lya kwata miiti sho aakadhona 12 yali yu ulike uunongo wawo mekondjelo lyoshikoloni shotango sha Miss Mshasho.

Ethigathano ndika lyali lyaningilwa pongulu yokugongala yaRoman Catholic moVenduka olyali lya mono enzuna dhingi Aini Kandongo, ngoka oye a hogololwa Miss Mshasho 2016.

Tuyeni Haininga okwa li a holoka pehala etiyali, omanga Ester Shifotoka ali a holoka pehala etitatu. Aini nenyanyu okwa li ati okusindana po ekopi kehe methigathano lyuukadhona dhingi ohashi kala oshinima oshiwaanawa noonkondo, nokuli a nyanyukwa sho oye a ningi okakadhona kotango okusindana oshikoloni shika . “Oshikoloni shika osha etela ndje oompito oombwaanawa no dha manguluka ngele tashiya momathigathano ngaka, oshoka tango ondjodhi yandje oya ningi yoshili,” Aini ta ti ngaaka.

Aini okwa li a tameke noku enda kwe manga ali omushona okuza sho ali ha tala ethigathano lya Miss Namibia koTiivii.
Okuza mpoka okwa li a tameke noku kutha ombinga momathigathano gayoolokathana mpoka opo a zi ena ohokwe yokukutha ombinga momathigathano galwe.

Aini okwa sindana oodola koomuma dhaNamibia dha adha po 5000, nompito ya manguluka yoku totapo ongeshefa ye mwene koodola N$ 13 000.

Kakele ashike kwaashoka, ongulohi oyali ombwaanawa oshoka opwa li iihikomwa tayi etwa kaahikingalo ngaashi Ann Singer oye ali ta ti pii sho ali a tseyitha ongalo ye yedhina Twalenge, manga inaa imba Diminengepo.

LEAVE A REPLY

Please enter your comment!
Please enter your name here