Omaudhano pethimbo lyomatango omanene

0
113

Ethimbo lyiituthi ya Krismesa oha li kala lyu udha omaudhano unene tuu gokomikunda, oshoka ndika olyo ethimbo aantu yokiilando ya yooloka haya tsakanene komikunda dhawo, nolwindji ohaya tyapula iituthi mbika nomaudhano.
Mpaka ota pu landula gamwe go mo maudhano miitopolwa ya yooloka pethimbo lyomatango omanene.

OKAU-Uudhano wokomumvo wOkau Kamasheshe otau ka kalako mo 19-21 Desemba 2016 pomukunda Okau Kamashehse, kehe osipana tayi kutha ombinga nayi kale yina oosipana mbali yimwe nayi kale yaamati ye li kohi yomimvo 17.
Kehe osipana oya tegelelwa yi ki ishangithe noodola 1 200 iimaliwa mbika oya kwatela mo nosipana yaamati ye li kohi yomimvo 17. Odraw otayi ningwa nena pOsimana mUupindi.

OMUNTELE-Otonamende yokOmuntele otayi ka kalako mo 20 sigo 22 Desemba 2016 pokapale kopOmuntele moka oosipana adhihe dhaza miitopolwa yopopepi odha tegelelwa dhi ka kuthe ombinga muudhano wokatanga kokoompadhi noVolleyball.
Omaishangitho gosoka 300, omanga goVolleyball 250, omahala oga ngambekwa onkene shangitha osipana yoye nena.

Ondjola SOCCER BASH-Ethigathano ekulu lyOkondjola kUukwaluudhi oko li li nonuumvo, omvula ndjika gwelulu ote kiipelwa oshoka noshimaliwa osha gwedhelwa sho ngashiingeyi oosipana ta dhi ka kondjela okapandi ko 30 000, oosipana adhihe dhina ehalo oku kutha ombinga muudhano mbuka odha tegelelwa dhi ishangithe noodola 800.

Ondjola oyi li pokati kOkahao noTsandi popepi nopate ookilometa ooshona lela okuza moodolopa ndhika mbali.
ETAYI-Aakalimo yomweEtayi nomikunda dhopuushiinda Tura lounge Cup oyo ndjoka tayi zi hoka, otonamende ya Tura otayi ka dhanenwa pokapale Okatonyo Sport Field (Etayi) mo 22 Desemba 2016.

Omaishangitho 400, esiku lyahugunina lyomaishangitho 20 Desemba 2016 Uudhano owa kwashilipalekwa noodola 13 000.
OLUTEYI SPORT DAY-Oondjila adhihe okOluteyi dha thinda sho omasiku taga ka kala 25 Desemba 2016 sho esiku lyomaudhano mOluteyi ta li ka galukila mondambo ishewe oshikando oshitihamano.

Oosipana dhomo-mudhingoloko adhihe odha tegelelwa dhi ka kuthe ombinga , esiku lya hugunina lyokuninga oshilage 23 Desemba 2016.

Ileni mutale nkene Oluteyi Legends ta lu kondjele ehete nEembwa Legends tadhi komandwa ku Kapitia Naftali Angala omanga Oluteyi Legends talu komandwa kuKaptein S.K. V Sakaria Kandjimbi, pOluteyi Sport Ground, uudhano ota wu ka patwa koshituthi sha Miss Oluteyi 2016 shoka ta shi ka ningilwa pOndunge.

UUKWANGULA –Uudhano tau ka patako owo mboka ha wu kala kUukwangula mboka ha wu dhanwa kaakokele ye li pomimvo 40 molyotango lya Januali.

LEAVE A REPLY

Please enter your comment!
Please enter your name here