Uutoni ota ka kondja moUSA

0
157

Windhoek – Osha tseyithwa pambelewa kutya enyakwa lyopaigwana lya Namibia mondjundo yoWBO Junior Flyweight Japhet Uutoni otali ka kondja na Angel Acosta gwa Puerto Rico methigathano lyokuholamo mokati kaadhengingonyo yane mboka tashi vulika ya ka kondjele epaya mondjundo ndjika.

Olugodhi pokati kaathigathani mbaka yaali yomongundu ya yane olwa tegelelwa lu ka kaleko muFubuluali omumvo tu uka talu ka ningilwa moDallas sha Texas moUSA.

Olugodhi nduka otalu eta pamwe aadhengingonyo yopombanda, opo mbaka yi ikondjithe po pu ze gumwe ngoka ta vulu oku ka kondjela epaya lyuunyakwa muuyuni mondjundo ndjoka. Moshinima shika Uutoni na Acosta ayehe otaya kondjele nenge otaya lalakanene oku imonena oshishani mondjundo yo WBO Jnr Flyweight shoka pethimbo ndika shaana mwene molwashoka enyakwa moshiviha shika oli inyenge okuya pombanda mondjundo ya landulako.

Momasiku 30 gomwedhi nguka ngoka eli ponomola yotango mondjundo oyo tuu ndjika Moises Fuentes omuMexico otaka kondja nomudhengingonyo ngoka eli ponomola ontiyali mondjundo ndjika goko Japan gwedhina Kosei Tanaka . Omusindani molugodhi nduka ota ka kondja ihe nomusindani ngoka taka za molugodhi lwa Uutoni na Acosta,. Omuhumithikomeho gwoongonyo Nestor Tobias okwa tseyitha onkundana ndjika ombwaanawa a ti olugodhi nduka olunene otalu kwatelwa komeho kehangano lyedhina MC Cotto Promotions.

Pethimbo ndika Uutoni oye eli ponomola ontine pomuthika guuyuni mondjundo ndjika pa landulathano lyo WBO omanga Acosta okuli ponomola ontintano mondjundo ndjoka yo Jnr Flyweight division. Uutoni ota yi molugodhi nduka a kondja omalugodhi 13, a sindana omalugodhi 12 ye a dhengwa molugodhi lumwe omanga Acosta sigo oompaka ina sindika nando omomalugodhi omulongo 15 ngoka ye sindana shu ukulila.

“Ndjika ompito ombwaanawa kUutoni, ngoka a kala noku longa nuudhiginini ongenyakwa lyOlympic , ngashingeyi ethimbo lye olyeya na okuna okusindana olugodhi nduka ngele okwa hala okukondjitha enyakwa lyuuyuni. Otatu ningi ondjokonona ongo MTC Sunshine Boxing & Fitness Academy sho tatu ka kala nolugodhi lwetu lwotango moAmerica, na otu uvite twa simanekwa moku pewa ompito ndjika. Ohenda unene sho itaa tu vulu oku eta olugodhi nduka lu kondjelwe muka omolwompumbwe yoshimaliwa naashika oshetu thiminike opo tu ka kondjele pondje yoshilongo” Tobias a ti.

LEAVE A REPLY

Please enter your comment!
Please enter your name here