Aahingi yootekisa moNooli oya hala omagwedhelo molwomahooli ga londa

0
297
Omuhingi gotekisa mOngwediva, Filemon Hanga, ngoka ta ti iimaliwa yootekisa oya pumbwa okugwedhelwa oku shi talela komagwedhelo gomayakulo galwe.
Omuhingi gotekisa mOshakati, Heskia Uushona, ngoka ta ti iimaliwa yootekisa moNooli oya pumbwa okugwedhelwa okufutila po omagwedhelo gomahooli.
Omuhingi gotekisa mOshakati, Heskia Uushona, ngoka ta ti iimaliwa yootekisa moNooli oya pumbwa okugwedhelwa okufutila po omagwedhelo gomahooli.

Oshakati – Aahingi yootekisa mOshakati nOgwendiva otayi indile omagwedhelo giimaliwa yootekisa, taya ti kutya egwedhelo lyoondando dhomahooli olya dhigupaleka ongeshefa yawo noonkondo.

Ondando yomahooli, ano omahooli  gopetololi ngoka inaga tulwa oholo (95 octane) oshowo ondiisela (diesel), oya londa noosenda 40c molita yimwe omathimbo ga zi ko. Pauyelele wOminista yOomina nIikwankondo, Isak Katali, oondando dhomahooli paigwana odha londa paepelesenda dha konda omugoyi momwedhi Juli sha etithwa konkalo yomakuyunguto gopapolotika moEgipiti oshowo enkondopaleko lyeliko lyaAmerika, shoka sha etitha aapunguli ya tengeneke egwedhelo moshilongo shoka. “Aapindiki ohaya tala koonkalo dhika sho aalandithi taya tameke okugwedhela ongushu pakuyelekanitha (iipindi). Aalandithi oye na uumbanda kutya onkalo moEgipiti otayi ka nayipala nokweetitha omakuyunguto paipindi moshiwike shotango noshitiyali shaJuli,” osho Katali ta ti momukanda gokutseyitha egwedhelo lyondando yomahooli.

Ngashingeyi oondando dhomahooli mOmbaye odhi li ngeyi; N$11.66 molita (95 Unleaded), N$11.82, N$11.88 (Diesel 500 ppm) oshowo Diesel 50 ppm,onkalo ndjoka ya etitha opo aahingi yootekisa moNooli yaNamibia ya ninge eindilo lyomagwedhelo giimaliwa yootekisa.  Aalongithi yootekisa pethimbo ndika ohaya futu konyala N$9.00 pokati kOshakati nOngwediva, oshowo N$16.00 pokati kOngwediva nOndangwa, mpoka pe na oshinano shookilometa 30 lwaampoka. Oondando odhi na  andola okuninga N$10.00 pokati kOshakati nOngwediva oshowo N$20.00 pokati kOngwediva nOndangwa,” osho omuhingi gotekisa Heskia Uushona ta ti. Omuhingi gotekisa omukwawo, Filemon Hanga, ngoka ha felefula mOshakati nOngwediva, naye okwa limbililwa wo shi nasha niimaliwa yopethimbo ndika, ta ti: “Ngashingeyi oshinima kehe otashi londo. Omahooli, iikulya, omeya nomalusheno otaga londo, onkee osha pumbiwa lela natse tu gwedhele wo iimaliwa yootekisa,” osho ta ti.

Nonando Namibia ina gwedhela muJanuali, ondando yomahooli oya gwedhelwe noosenda 30 petameko lyaFebuluali, nokugwa ishewe kashona pehulilo lyaMei, omanga inayi londa ishewe noosenda 50 molita pehulilo lyaJuni, oshowo ishewe petameko lyaAguste. Pauyelele waMinista Katali, elunduluko lyongushu ndyoka tali tsikile lyodolla yaNamibia oku yi yeleka nodolla yaAmerika oya etitha wo oonkalo dhika dhi nasha nokweeta moshilongo iikwamahooli. Katali okwa gwedha po kutya Epangelo otali tsikile nokuyambidhidha pashimaliwa oshipambu shontumba shi nasha noondando dhomahooli ngoka taga longithwa kooyene yiihauto.

kuEdgar Brandt.

LEAVE A REPLY

Please enter your comment!
Please enter your name here