Guruseb, oye dhingi ngashiingeyi

0
261
Omulumentu molweendo… Christy Guruseb a ka mona uuhupilo koCivics FC

 

WINDHOEK –Sha landula kokulonga nawa nonuudhiginini komunute gwahugunina opo a kale mongundu yaambo yeli pombanda muudhano woliga lyoMTC  2012-2013, ohokwe nesimaneko komugandjimayele (kootja) Christy Guruseb olya indjipala okuza petameko lyoshikako shika.

Okuza po kwa tegelelwa kwaGuruseb moshihandhila shaBuccaneers osha kala oshipopiwa  oshinene miiwike mbika sho oosipana ngaashi ye ndjoka  onkulu Ramblers, Civics noTura Magic tadhi popiwa dha hala omayakulo gomugandjimayele omugundjuka.

Ashike, osipana yoCivilians inayi kutha oowili noya yakula po eshayinokaha lyomugandjimayele ngoka oyendji yemu sa enota, ngoka oshiwike sha piti a thigi po osipana ye inashi tegelelwa, ndyoka a longele uule woomvula mbali. Guruseb okwa ningi omugandjimayele omunene omutiyali ngoka a zi poshipundi she meendelelo e ta landula moompadhi dha nakweenda Woody Jacobs, ngoka  a thigi po iilonga yuugandjimayele kosipana yomoKatutura oTura Magic FC e tayi kosipana onkwawo yi holike moKatutura yoAfrican Stars.

Omugandjimayele gwopevi Jerry Zimmer ngoka a li nale omugandjimayele omukuluntu,  a tulwa pondondo yopevi konima sho osipana yoCivilians konyala yi ye pondondo yopevi mesiku lyahugunina lyoliga oshikando sha piti,

oye ta ka kala omupeha gwaGuruseb.

Ngashingeyi, edhina lyomugandjimayele opo a kondo Dino Ballotti, olya kala tali fewkelwa kutya otashi vulika aye peha lyaJacobs, opo a kuthe po oshipundi shuugandjimayele koTura Magic opamwe naRonnie Kanalelo, ngoka a kala ta popiwa olwindji kutya otaka kala ta longo kombinga yomayele gopawutekenika nelalakano lyokunkondopaleka osipana pautekenika.

Itashi tsu kumwe naashoka sha popiwa kuyele kosipana yoLHU Blue Waters kutya oya etha ependa lyawo Gilbert Rwasoka ngoka taku ti okwa gandja ompito kuLucky Shipanga, osipana oya lundulula omadhiladhilo e tayi shunitha iilonga kOmuzimbabwe e holike nonando inashi yela naanaa kutya mbano yaali otaya ka kala taya longo shike.

 KuCarlos Kambaekwa

 

LEAVE A REPLY

Please enter your comment!
Please enter your name here