Larry Horaeb a ya kuAmazulu

0
267

AMAZULU okwa shayina po omudhanitanga omutine OmuNamibia, oshikando shika, Larry Horaeb omudhani gwokonima gwoRamblers na Brave Warriors, okwa ka dhanena osipana ndjoka neuvathano lyoomvula ndatu.

Omunamimvo 21 ha dhanene konima okwa ka adha osheendo shaCraig Rosslee a za kosipana yoRamblers FC moNamibia. Ta ka kala wo pamwe nOmuNamibia omukwawo Dudes Mwedihanga ngoka a kala nale kosipana hoka oshikando sha pita, nosho tuu mboka opo ya shayinwa paife ngaashi Sadney Urikhob na Pineas Jakob shoka sha etitha opo omwaalu gwAaaNamibia kosipana hoka yaninge yane.

Usuthu, ano Amazulu a tseyika nawa, okwi ipyakidhila nokumanitha oombaapila opo OmuZimbabwe omukeeleli gwetanga mokoolaTapuwa Kapini a ninge OmuSouth Africa, opo ya kale yena ehala mosipana lyokushayina omuntu gulwe gwokiilongo. Kakele kAaNamibia mbaka yane, momambo gaUsuthu omuna wo omudhani omukeeleli OmuZimbabwe Carlington Nyadombo.-Kickoff.com

LEAVE A REPLY

Please enter your comment!
Please enter your name here