Omapendafule otaga tumbalekwa mehulilo shiwike ndika

0
431
Amushanga takalele gwOministeli yOmauyelele nOmakwatathano, Mbeuta Ua-Ndjarakana

WINDHOEK – Amushanga takalele gwOministeli yOmauyelele nOmakwatathano, Mbeuta Ua-Ndjarakana, okwa ti ota ku ka kala oshihongwathano sho mu Presidende gwotango gwaNamibia nahe wo yoshigwana omundohotola Sam Nujoma kOmuguluGwombashe mesiku lyomapendafule, August 26.

Oshihongwathano ota shika kala pehala pwa tamekelwa iita yekondjelomanguluko lyaNamibia momumvo 1966, mOmuguluGwombashe moshikandjohogololo shaTsandi, moshitoplwa shaOmusati.

Ua-Ndjarakana okwa ti aantu yevulithe po 50 000 oya tegelelwa oku ka kwashilipaleka e tu loko lyoshihongwathano shomukokoli gwoshilongo omundohotola Sam Shafiishuna Nujoma.

“Oshihongwathano oshategelelwa shi ka egululwe pambelewa moMaandaha sho takudhimbulukiwa esiku lyomapendafule,” Amushanga tati. Etumbaleko olyanunwinwa okomanda yotango yetanga lyoPLAN ngoka ali Nuyoma.

Amushanga takalelele okwa ti omalongekidho oga pwa okulongekidhwa na oshihongwa shoka osha thikama nale mOmuguluGwombashe.

Presidende gwotango gwaNamibia nahe wo yoshigwana omundohotola Sam Nujoma
Presidende gwotango gwaNamibia nahe wo yoshigwana omundohotola Sam Nujoma

Ua-Ndjarakana okwa ti etokolo ndyoka olya gandjwa kokangundu kahogololwa kuungawuka nesiku lyomapendafule, na oshili mondjila okugandja esimano kuHe yoshigwana, uunene mokuninga oshihongwathano shoka tashi katulwa pamwe nedhidhiliko lyehala ndyoka lya topelwa oondjembo dhotango dhiita.

“ Momasiku o 26 ga Auguste 1966, omo mwatopele ondjembo yotango yiita ye kondjelomanguluko lyoshilongo, sho aakwaita yoPLAN yaponokele aakwaita ye tanga lya South Africa mewiliko lya Nujoma,” Ua-Ndjarakana tati.

Ua-Ndjarakana okwa lombwele wo oshifo shika kutya oshili omukalondjigilile okudhimbulukwa noku simaneka mboka yakanithila oomwenyodhawo mekondjelo manguluko uunene tuu mesiku ndika noshowo mu gane gaMeyi.

“ Ngoka taka kala inaholoka mesiku ndika kOmugulugwombashe ota ka pitililwapo koshindji shoka tashika holoka mesiku ndika,” Ua-Ndjarakana a popi ta iimemeya.

KuLoide Jason

LEAVE A REPLY

Please enter your comment!
Please enter your name here