Ompangu yopombanda oya ti kashili pakotampango

1
549
Omupanguli mOmpangu yopombanda Nate Ndauendapo

WINDHOEK – Ompangu yopombanda oya tokola kutya kakeli pakotampango, okatendo hoka haka longithwa maantu mboka ya landa iinima ya yakwa yo kayeshi shi kutya iinima oya yakwa, naya pangulilwe okuyaka.

Judge-Ndauendapo
Omupanguli mOmpangu yopombanda Nate Ndauendapo

 

Ompango otayi pula wo aantu opo ya kwashilipaleke kutya kayali ye shi shi kutya iinima oya yakwa. Sha gwedhwa po ishewe, ompango otayi pula omuntu opo a kwashilipaleke pampango uumwene wiinima mbyoka ye na. Aapanguli mompangu yopombanda Nate Ndauendapo na  Naomi Shivute oya mona kutya okatendo haka kompango okatsa ompinge nompango onene yekotampango lyomulandu gwuuyuuki waNamibia kutya “kuna ondjo sigo sha hololwa” shika osha taagulukwa.

Aapanguli yaali oya mono kutya osha adha kepangulo opo li gandje uumbangi kutya omuntu oku na ondjo na ompangu otayi vulu oku etha omuntu ngoka a adhika e na iinima ya yakwa, nande ando kutya efatululo lya gandjwa komufekelwa otali holola ngaa okazimba kuulunga, shampa ashike kutya efatululo olya gwana kompangu. “Ngele efatululo lyomufekelwa otali holola oshili, okuna uuthemba opo e ethiwe nande efatululo lye otali limbilike. Ompangu inayi uthwa yi dhitike kakele ngele gwanenwa hakefatululo alike tali limbilike ashike nongele kutya pwaana omalimbililo oshinima kashi shi oshili,” etokolo osho lya ti.

Etokolo olya ningilwa omunamimvo 61 Joao Gomes, ngoka a ningi eindilo kOmpangu yopombanda, sho a lundililwa okuyaka mompangu yopashitopolwa yaSwakopmund. Gomes okwa pangulilwa okuyaka sho a landa omashina gatatu gokufikila komuntu ngoka e ga yaka, ye okwa li omufekelwa pamwe naye moshipotha shika. Omashina oga adhikile kuGomes. Okwa pangulilwa okuyaka, nenge ishewe okukala niinima ya yakwa.

Gomes ina monika ondjo miipotha ashike Epangelo olya tsikile nokupangula omolwa uulunga shi ikwatelela kokatendo 264 kOmpango Yomalandulathano Gokuyonagula. Okatenda haka otaka ti kutya “ ngele uumbangi moshipotha shokuyaka inawu gandja uushili wokuyaka, ashike ondjo yokutaamba iinima ya yakwa u   shi shi kutya oya yakwa, omufekelwa a tya ngaaka ota vulu okumonika ondjo ngele osha kwashilipalekwa.

Gomes meukililo ota pataneke okatendo 7, taka leshelwa pamwe nokatendo 264, ka nyolwa kutya omuntu a adhika niinima ya yakwa, nonando iinima mbyoka oya landelwe pehala lyaayehe, omuntu ngoka na vule okugandja uumbangi kutya omolwashike i itaala, sho a lit a landa, kutya  iinima kaya li ya yakwa ashike oya li iinima yaangoka a li te yi landitha. Uuna a ndopa okugandja uumbangi otashi etitha omuntu a monike ondjo yokuyaka.

Omupanguli Ndauendapo kombinga yomudhingoloko moka muna aantu oyendji inaaya longwa yo haya mono omadheulo kage li melandulathano nawa onga omukalo gwoku ilikolela uuhupilo esiku kehe. Omu na ompito onene opo aantu yaana ondjo ya dhitikwe yo ya tumwe kondholongo ngele okatendo oka 7 inaka lundululwa. Aapanguli oya lombwele wo Hahende-Ndjayi, ngoka oye awike e li ompinge neindilo ndika a fute iifuta molwa oshipotha shika. Oahende Louis Botes ngoka a kalele po Gomes. The judges also ordered that the Prosecutor-General, who was the only one to oppose the application pay the costs of the suit. Advocate Louis Botes who appeared on behalf of Gomes.

1 COMMENT

Leave a Reply to frans iyambo Cancel reply

Please enter your comment!
Please enter your name here