Ovanangeshefa vavali ova tula oukuni kumwe

0
298

WINDHOEK – Ovanangeshefa vavali vomoMbaye, ova tula oukuni kumwe va tote ongeshefa yokulonga oiwapaleki yomomaumbo yedina Lidamuna Furniture Manufacturing Project.

Wilhelm Iitope weedula 29 naTaimi Valombweleni womido 31 ova totela ongeshefa youkumwe poSiingela i li moKuisebmond konima yEkutulatika.

Omangha vali ovanafikola poNambia Institute of Mining and Technology (NIMT) moArandis, ova deulilwe peenhele da yooloka moSwakpmund nomoMbaye.  Petameko lomudo 2011, ova tamekela okungeshefa kaniingholi, oihongomwa yoiti moKuisebmond no nande kavali noilongifo ya wana.

Petameko ovalandi  ova li vanini noimaliwa kaya li ya wana ku landa oilongifo, ashike pexulilo lomudo, ova ka deulwa kehangano Namibia Rural Development Programme (NRDP) nowa pewa yoo omukuli koNamibia Youth Credit Scheme(NYCS) hai kwafele ovanyasha ovaNamibia.

Momaeulo aa ova likola mo ounongo moinima ya yooloka mwa kwatelwa okushanga ondungefanekko yongeshefa, ewiliko longeshefa, ouvalulimambo woimaliwa, etulo leendado koilandifomwa, okutala eendado doilandomwa, etengeneko lelikolo melandifo, nokuwedela ko oilongomwa meyakulo lovalandi.

Edeulo loNamibia Youth Credit olve yeulullia oivelo yongeshefa mokweeta omauwa mahapu, okukufa ombinga moyoongalele nomomaulikilo oipindi. Ova landa omashina noimaliwa yomukuli, oo va ka shunifa konima yeehani hamano. Oshikando oshitivali ova kufa pewa vali omukuli ufike po N$6000, noshimaliwa eshi oshali shi dule eshi va pelwe tete. Nomukuli ou ova dula okulanda mo oilandifomwa nomashina okweendwa nao.  Molwaashi ongeshefa ota i ende nawa ovadula vali okushinifa omukuli oomoule weehani hamano.

Paife ova kufa omukuli N$20 000 nongeshefa otai kulu nawa.

Oupyakadi munene va shakeneka mongeshefa, fiyo onena ohava landifile meumbo, osho shi li ominge neemhango delelo modoolopa, navali kava li ve na oilongifo tai dulu ku va longifa oilongomwa yongushu, voo va shunife poshi ondado.

Oupyakadi ukwao, omhumbwe yoyeendifo yoilandifomwa, nohava futu shihapu  mokuumbata oilandifomwa, osho hashi pula omafiku fiyo atatu okufikifa osho va hala ponhele yavo, eshi otashi i moshipala elandifo.

Lidamuna monakwiiwa, ota lalakanene kunduluka oilongomwa yongushu ya hokiwa tai kandula po eemhumbwe dovalandi.

Ongeshefa Lidamuna oya kuta moilonga ovanailonga va-5 nomunafikola umwe te li deula, peemhito dimwe, ohava longifa ovanailonga vopakafimbo. Itope naValombweleni oovene vongeshefa Lidamuna Furniture Manufacturing Project pexulilo otava ti, monakwiiwa ova hala ku longela ponhele iwa ya kanghamekelwa kongushu yaasho sha halika kovalandi.

 

KuLoide Jason

LEAVE A REPLY

Please enter your comment!
Please enter your name here