Helalia Johannes a tondoka

0
281
Omusindani mongundu yaalumentu yuudhano wokomumvo woSam Nujoma Marathon, Gladwin Mzazi (kolulyo) a za koSouth Africa e li pamwe methano nomutondoki gwaNamibia, Johannes Skrywer konima yokumana ethigathano ndika.
Omusindani mongundu yaalumentu yuudhano wokomumvo woSam Nujoma Marathon, Gladwin Mzazi (kolulyo) a za koSouth Africa e li pamwe methano nomutondoki gwaNamibia, Johannes Skrywer konima yokumana ethigathano ndika.

WINDHOEK –  Omutondoki dhingi gwoshinano oshile gwaNamibia, Helalia Johannes okwa ulukile ishewe yakwawo komutse gwondjamba, kutya ngele tashi ya kokutondoka oshinano oshile moshilongo oye Kadhenga, sho e ya pehala lyotango muudhano uutiyali wokomumvo wethigathano lyaakiintu wedhina Dr. Sam Nujoma Marathon mOvenduka, momasiku 26 Agust.

Johannes okwa tondoka oshinano oshile nokuthiga po aatondoki yakwawo nokwe ya komeho gaAnna Amukoto ngoka e li omutiyali moshinano shoka shuudhano moka Helena Ipinge e ya pehala etitatu. Ipinge ota monika a nika uukuluntu lela, naashika omimvo odhe shi holola mokutondoka kwe kwakahima – ano okutondoka kashona lela pethimbo kwa li ta tondoka.

Mongundu yaalumentu aakokele, Glawin Mzazi, a yambukile koSouth Africa, noku li omutondoki omupe lela, nenge omunyuwana, okwa halukitha aatondoki yakwawo mboka kwa li a thigi po ngaashi Johannes Naitembu oshowo Reonard Namupala nokuya pehala lyotango.

Namibia ine shi enditha nawa moYouth Netball Champs

Pokati mpoka, osipana yaNamibia yokatanga komokambamba (Netball) mboka ye li kohi yoomvula 21, inaye shi enditha nawa muudhano wawo koUnited Kingdom, konima sho kwa li ya dhengwa mo muudhano wawo mbuka wopaali wopetameko wo2013 World Youth Netball Championships mboka wu li ngashingeyi koGlasgow shaScotland.

Namibia okwi iyadha e li koongodhi mokukondjithathana naadhani yaAustralia methigathano lyawo ndika lyotango, sho kwa li ya dhengwa mo nenge ya yi pevi nookoola 17 dhomookoola 91 omanga inaya dhengwa mo ishewe koFiji (36-61) muudhano uutiyali moshilongo shoka shaEuropa.

kOmunambelewa Omukundaneki

LEAVE A REPLY

Please enter your comment!
Please enter your name here