OvakwaPohamba va tyapula oshivilodibuluko shehombolo oshitimilongonhatu moNooli.

0
576
President Hifikepunye Pohamba nOmunyekadi Penehupifo Pohamba tava tjapula edibulukohombolo lavo etimilongonhatu peumbo lavo pomukunda Okanghudi mOshitukulwa Ohangwena mOlomakaya

OKANGHUDI – Omupelesitende  Hifikepunye Pohamba vo nomunyekadi wOshilongo , meekulu Penehupifo Pohamba ova tyapula oshivilodimbuluko shehombolo lavo oshitimilongonhatu peumbo lavo momukunda Okanghudi moshitukulwa Ohangwena oivike yadjako.

Omukokoli Pelesitende Tatekulu Sam Nujoma, okwali wumwe womovayenda va fimana ovo vali ve uya okutyapula oshivilo eshi. Omwa kwatelwa yo Hidipo Hamutenya oo ali oshinghumbi shakula pehombolo looPohamba, eeMinista doKabinete, nosho yo oilyo yEumbo lOpashiwana. OvakwaPohamba ova hombolele  moLuanda, moAngola momafiku 17 Aguste 1983.

Noitya yaye eshi a tambula ko ovaenda, Omupelesitende Pohamba okwa holola kutya ava tava shikula, ovali velineekelelwa oshinakuwanifwa opo va longekide oshivilodimbuluko eshi. Ovo nee, Amushanga woKabinete Frans Kapofi, Ben Hauwanga wEmbwida lEengeshefa doBH na David Nghipunduka woPeace Garden Investment.

Ovaleli vopamifyuululwakalo mOumbangalanhu waNamibia, mwa kwatelwa ovaleli vomOukwanyama omo mwa danenwa oshivilo eshi, vomOndonga, moUkwambi,mOngandjera, mOmbalanhu, mOukolonghadi nomOmbadja navo opo vali poshivilo eshi.

Umwe womookaume kavo, Claudia Nekwaya – Mwandingi okwa holola kutya okwa dana onghandangala yakula pefimbo lohole yova livalihomboli ava omanga inava hombola modula 1983.Pefimbo olo ovaNamibia omafele ovali moupongekwa, tava lwile emanguluko la Namibia. Nekwaya-Mwandingi ta twikile tati, vo nOmunyekadi wOshilongo ovali tave lihongo ko Jamaica pefimbo opo a kwatakanifa ooPohamba pambapila modula 1979.

Pelesitende Pohamba okwali moAngola eshi Nekwaya-Mwandingi e mu shangela ombapila okudja ko Jamaica. Okwa indila Pelesitende nomunyekadi va kale “ovalihomboli vawa” votava twikile nokuyandja oshihopaenenwa shiwa, mokati kovaNamibia paife nokomongula eshi kaveli li ovaleli voshilongo.

Omunhu owu vali a popya poshivilodimbuluko shehombolo eshi, oHamutenya owo naana ngaashi Nekwaya-Mwandingi a halela ovakwaPohamba omahalelo mawa nokuva kumika va twikile okuyandja oshihopaenenwa.”  A pa pefike engungumano meehombo, opo yo tapa kala pefike engungumano moshiwana,” Hamutenya tati.

LEAVE A REPLY

Please enter your comment!
Please enter your name here