Trapstar ina hala okukala umwe womwaavo hava ifanwa noovakwawo vahapu

0
234
omudani weengalo do Hip/Hop na RnB, Linus Haimbooli a shiivika nawa Trapstar, ta popi nghee una okukondja neenghono opo u kale omudani weengalo mOnooli.

ONGWEDIVA – Oshitopolwa shokOumbangalanhu wa Namibia oshina ovanhu vena oshitalenti shokudana eengalo. Ashike  ohava kondjo neenghono okulikola moilonga yavo eyi pamahupilo. Umwe womovadani veengalo ava oo a tokola okulonga noudiinini oye Linus Haimbooli a shivika nawa Trapstar, a dja ko”Diva” hano Ongwediva, na oye omwiimbi weengalo doHip/Hop no RnB okwa tula edina laye pombanda mo”Diva” nongalo yaye  imwe kamana yoRnB “Missing you”.

Eimbilo laye lotete ola tulwa moinyolwa modula 2011 eshi a mana ofikola yaye, Trapstar ta ti, ta popi neenghono lela nghee omudani weengalo mOngwediva a teelelwa a longe a mana mo.

Trapstar okwa itavela kutya ngeenge omudani weengalo oku li ashike moNooli ndee ihayi kOvenduka oku ka shiivifa nokukayambula po eengalo daye iteke shi pondola.

‘’Keshe  shimwe oshili ashike kOvenduka,eestudio dongushu,omikalo dokuandjakanifa eengalo,ngeenge wa hala u longe moukumwe novanamadina mokudana eengalo aveshe oko veli oko. Ngeenge owu li konooli ndee ito li nyenge ito ke shi pondola, oshidjuu neenghono,’’  Trapstar tati.

Okwa ti ongeshefa yoku eta po eengalo ohayi danwa onghandangala unene kovayambididi na oshi djuu okuva mona.

“Efimbo limwe momudingonoko ohamu kala omaulikilo eengalo hano eeshow ashike ovanamadina mongeshefa eyi ovo aveke hava pewa eemhito dokudana, ha va nangeshefa vape,nangeenge ovanangeshefa vape ova pewa omhito ihava futwa nokuli. Kandi wete shi li pauyuuki okulitula ashike movanamadina mokudana eengalo osheshi nafye ava vape otuli ashike nawa,” Trapstar tati.

Trapstar okwa londwela yoo ovaunganeki voivilo va tule yo ovadani veengalo vape momadilongo avo ngeenge tava longekida oivilo oku va kwafa va shiivike nawa koshiwana vo va longe yoo navo pauyuuki.

“ Hulifeipo oku ifana ovadani veengalo vape  oitya eyi “ah, ovo ngoo ovo vahapu”.  Nongeenge itamu va futu  tuleni nee omadina avo komapulakata aa ma kula opo va shiivike kovanhu. Ashike ngeenge otamu longekida okuva futa omadina avo inaa lekwa ko komapulakata. Alikana yambidideni ovadani veengalo vape vo va peni omhito. Ino shiiva kutya oto kanifa shike,’’ osho a tonga.

Trastar  okwa tonga kutya oha longifa eyi tayi shikula okuandjaaneka eengalo daye nokukwatafanifa eengalo daye noshiwana. Oyo nee ngaashi Facebook ile My Space nomafimbo amwe oBluetooth  a kwatakanife eengalo daye keetelefona nokeekompiuta dovanhu ava va hala okupwilikina eengalo daye.

Fiyo opapa okwa pitifa oungalo kookamwe veli vatano na okwatya ye ina endelela okupitifa o alubuma osheshi opo manga ta tungu omukangha wa kola a ye mowela owu.

KuSelma Shikesho

LEAVE A REPLY

Please enter your comment!
Please enter your name here