A shashaula omukulukadi waye fiyo omefyo

0
237

RUNDU – Omulumenhu womoRundu okwa shashaula omukulukadi waye fiyo omefyo, e mu kutula omunino nombele yomokombifa, ta hetekele ku li dipaa.  Ovashiinda ova nofwela ko opolifi, ya kwata omulumenhu konima yeevili dinini. Isabela Eixas weedula 34 oku na ounona va-2, oumati veehamba, va kala meumbo naxe Buta Epampa ou a dipaa ina Eixas.

Epampa, okwa hangika a hondama nokwe li teta momunino, nopoikesho a li ta hetekele ku li dipaa, ashike ine li diinina. Okwa li a tambulilwa moshipangelo shepangelo shaRundu a kalelwa kopolifi.

Oshivike eshi okwa holoka momangu yamangestrata waRundu, komesho yamupanguli Esme Molefe. Epampa okwa lombwela omangu kutya, ota kalelwa po komushiiviveta waye Petrus Strauss, wehangano loStrauss Attorneys.

Mangestrata Molefe okwa  undwila komesho oihokolola i ka pwilikinwe muKotoba, opo opolifi i dule ku twikila nekonaakono. Ouyelele  wa yandjwa kovashiinda owa ti, ovaneumbo ova kala nomaupyakadi meumbo nomukainhu okwa li a tulila mo mwene  oibofa oikando molwa omahepeko, nokonima yokafimbo kaxupi okwa hangika opo a kufa mo oibofa ei. Fiyo opokufya, ovalihomboli kava li pamwe , nomukulukadi oye a li nouhamba oumati, nokamwainamati kepipi lopokati ka mona nghee mumwaina ta dipawa edipao li nyanyalifa.

 

“Okwa li ta pe ounona va lye monduda, te ya mo te mu pula ngee oshoshili  kutya okwa mona po omunhu umwe e li li. Okwe  shi likala, ta tameke ku mu denga. Te mu shili mondunda, te mudengaula fiyo omokombifa” okamwainamati Eixas taka hokolola.

 

Komatango onghela eshi Kundana e ya peumbo lovalihombili polukanda laDonkerhoek moRundu, okombifa aishe noilongifo oiyadi eehonde danakufya, sha elika kutya Eixas ou omudimba wa hangika wa kangavala mekungu lohonde poshi mokombinga, okwa fya efyo lii.

Umwe womookahewa kaEixas okwa ti, ke shii kutya omolwashike Epampu a

ningila ngaho eshi a uda kutya nakufya okwa mona po omulumenhu umwe, molwaashi ye okwa mona po omukainhu umwe e li li, ve na nokaana. “Onde mu lombwela a ha kufe mo oibofa yomamonifo oixuna, ashike okwe ke mu etela onghenda ta kufa mo oshibofa” kahewa ina hala Edina laye li tongwe osho a ti.

Ovashiinda ova lombwela opolifi  kutya, omufekelwa okwa  hepeka omukulukadi waye.

Sixas okwa fiya po ounona va-3, kamwe okomulumenhu wotete, nouhamba a dala mohombo yavo nomufekelwa. Ovashiiinda ve ya ku li talela ko ova lombwela oshikundaneki shoNew Era kutya, omufekelwa okwa kala a hala ku dipaa omukulukadi, nonghela okwa wanifa ehalo laye. Opo va hombola mo2009.

 

KuMathias Haufiku

LEAVE A REPLY

Please enter your comment!
Please enter your name here