Etale Fishing ola ifanununa ovanailonga koilonga

0
233

WALVIS BAY – Ehangano leeshi pOmbaye l Edina Etale Fishing ola ifanununa koilonga ovanailonga 80 va li va dja moilonga. Omwaalu waavo va alukila moilonga ou fike poshititatu shovanailonga 270 vali va lekelwa moilonga ei muFebuluali  neudo.  Ekanifo loilonga ola etifwa komhumbwe yoshimaliwa mehangano. Pokati opo otwa kundana kutya, ovanailonga va lekelwa moilonga otava pula ehangano li fute eependjela davo inadi futwa natango kehangano Etale.

Etale ohali kwata eeshi , ashike inali tameka ku mana ku longela eeshi mofabulika.   Ohali longele mofabulika yehangano limwe mangha, tali longifa ovanailonga va ifanununwa okulonga eeshi dohorse mackerel. Omukwateli  komesho woshitukulwa sheedjo dehangano Gerry Munyama okwa ti: “ Otava longele mangha mofabrika ya ehelwa  navali, inashi pumbiwa ve li pule  kombinga yofuto yonhele omu tamu longelwa”.

Okwa anya ku fatuka kutya ovanailonga 80 otava ka futwa ondjabi i fike peni mokulonga eeshi, ilo kombinga youfemba wekwato leeshi naapa pe fike omwaalu weeshi tadi kwatwa kehangano.

“Otwe li pyakidila nokukundafana novanailonga va li mehangano twa landula omulandu upe mehangano, ngaashi sha udafanwa nehangano li li le po ovanailonga”, Munyama ta ti.

Kombinga yewapaleko lofabulika, Munyama okwa ti, opo taku ifanwa ovashiiivinawa va koleke kutya, oilonga aishe otai pula shi fike peni. Ta holola kutya, oilongifo imwe mofabulika oya longa oule womido da koya po-50. Oilongifo aishe yehangano oi na ku wapalekululwa ngaashi eenhele dokutalelekela oshoyo omalusheno. “Elalakano dingi letu okupepaleka Etale opo ehangano li fike pomufika wolela womahangano okulonga eeshi, noovalongifi voshimaliwa  nopandodo yopapangelo, opo tu pewe vali omivalu yetu yomukwato weeshi” Munyama ta fatulula.

 

Etale paife oli na ovanailonga va-5 aveke, omangha ehangano tali i longekida kwaalula ovanailonga voshito moilonga. Ehangano kala li tali dulu ku mona oimaliwa tai kandula po eemhumbwe adishe ngaashi ofuto yovanailonga. Onghalo oye li fininika li kaleke oilonga diva, tali lombwele ovanailonga kutya ove na ku kanifa oilonga, opo li dule ku ke va kutulula pamulandu upe wehangano.

Pokati opo otwa kundana kutya, ovanailonga va dja moilonga, otava pula opendjela yavo inai futwa  ya katashwa koMetropolitan Namibia. Ovanailonga vamwe ova fatulula kutya, ova mana po oimaliwa shashi, ova teelela opendjela oule weemwedi 6.

 

Alfons Seibeb omushingi wokaforklift,  umwe waavo va dja moilonga pEtale, ta lombwele oshikundaneki shoNew Era kutya,  omavalulo aye kuMuni ngaashi olusheno nomeva, nomalongifo akwao, okwa ya pombada eshi a ninga efimbo inaa futwa, neefitola dokulandifa oikwaopundi,oitaafula neembete oko e na omavalulo, oda hala ku mu nyekulula osho a landa kudo.

“Keshe mwedi, Metropolitan oha udaneke ku tu futa, ashike fiyo opapa inatu pewa oumaliwa yetu nghee twe i udanekelwa okudja muMaalisa neudo. Eshi inatu pewa enyamukulo la ukilila, nafye otwa udanekela ovo tu ne na eengunga, paife  ova hala ku tu nyeka oinima yetu nomaumbo oo twa landa noudjuu”Alfons ta fatulula.

 

Ta holola nghee ovanailonga va ongala lwoikando nokukundafana nghee ve na ku ulumika engongonyotoko lofuto yoimaliwa, otwa pula yo epangelo li ye mo ngee oimaliwa inai futwa fiyo okexulilo laAuguste. “Itatu twikile vali monghalo ei, otu na oinakukwanifwa nomaumbo haa filwa oshisho. Otwa wedelwa ko oishoshela , paife otwa talika ko ovalingunga vai” Alfons ta holola eudonai laye.

Munyama okwa koleka ekatasho lofuto yopendjela yovanailonga ta ti, eudafano oli li pokati kovanailonga noMetropolitan Namibia, oshikefa sheependjela dovanailonga. “ Fyee ohatu kwafele mokupula ko luhapu, ashike ovanailonga ove ke li haluka va pumbwa oshimaliwa eshi va kanifa oilonga” Munyama ta nyamukula.

Ashike ouyelele wa kundanekwa kuKundana owa tonga kutya, Etale otali futu exwata lopendjela tai ka yandjwa mo31 Auguste 2013. Ouyelele owa kundaneka kutya, oimaliwa otai ka ulika ya fika komavalulo avo konima yeevili 48 fiyo 72.

“Dimbulukwa kutya, otwa pula omayele kombelwa yoifendela kombinga yofuto yoshimaliwa ngee osha koyo N$50 000.00, natango onghee twa teelela ombelewa yoifendela yoyuuyemo okupitila moshikondo shemona mOmbaye . Eshi, otashi dulu ku kateka ofuto yopendjela yaavo ve na oimaliwa ya koya pomwaalu oo”.Metropolitan Namibia oya yandja ombili okupitila moe-mail.

KuEveline de Klerk

 

LEAVE A REPLY

Please enter your comment!
Please enter your name here