Minista Kaapanda ta tambula ko Kundana

0
205

WINDHOEK –  Inapu pita efimbo lile eshi  Ominista yOmauyelele nOmakwatafano  opauTekenika , Joel Kaapanda a  tambula ko etotepo loshifokundaneki Kundana , oshinyanyangidwa shotete sheenghundana sha Namibia  osho shina oshikalimo sheenghundana dili ashike momalaka aNamibia  ovadalelelwa mo.

Kundana, oo a nyanyangidwa mOshindonga nomOshikwanyama okwa totelwe oivike ivali ya ka  pita kehangano lokunyanyangida loNew Era Publication Corporation (NEPC) poshiningwanima sha fimana pOngwediva.

Efimbo oshinyolwa  shotete shaKundana sha li sha yandjwa ku Minista, osho lwotete sha ya momapandaanda Etitano loshivike sha dja ko, Kaapanda okwa ti edilaadilo ola kala la teelelwa efimbo lile nokwa pandula eshi elelo la New Era la longa oshilonga shiwa.

Ta weda ko vali tati eshi otashi ulike naanaa nghene  NEPC ta kulu, “Ta tandavaelifa eenghundana medu alishe lOmapendafule,’’ osho a popya. “Efatululo eli lipe mOshiwambo ola fimana lela notali ka ninga enwethemo la kula  mokulonga nokuyandja omauyelele kovakwashiwana aveshe ovo ihava dulu okulesha Oshiingilisa, Oshimbulu, nOshindowishi,” Kaapanda tati.

Ta weda ko vali  kutya oshiwana shina omauyelele , oshiwana sha hongwa,  noshiwana otashi dulu  ashike  okuhongwa okupitila mokulesha.’’ Kundana ota dulu okuhanga oshilalakanenwa eshi, ‘’ Kaapanda ta ti. Okwa tonga vali kutya NEPC okwa katuka onghatu yi li wetikile eshi a tameka vali oshifo shikwawo na okuna lela omukumo kutya oshifo eshi otashi ka kala efindano la kula, osho a tya. ‘’Kaleka Kundana momapandaanda efimbo lile ngaashi tashi dulika, Ouministeli wange otawu ka ninga keshe osho tawu dulu okuyambidida edilaadilo eli la kula, ta popi nomufindo.

 

KuKuzeeko Tjitemisa

LEAVE A REPLY

Please enter your comment!
Please enter your name here