Omalishangifo omaudano a tameka

0
224

Windhoek – Okakomisi taka lele omaudano moNamibia, oNational Sports Commission (NSC ) oka tameka vali elishangululifo lOmaudano a yooloka Opashiwana (National Sport Codes) nosho yo  lOmawiliko makula omaudano (Umbrella Bodies) pakaliindeli kodula 2013-2015 moWindhoek, oshivike sha dja ko.

Poshoongalele opo, okaKomisi oke shi pondola okutula peenhele omikalo odo tadi dulu okulongifwa okuyambidida oilonga yako opo  ka hange oilalakanenwa ya fanekwa oyo tayi tu kumwe nomatokolo ako.

Osheetwapo eshi osho shimwe shomoilonga ya fimana oyo NSC eli pa ye mwene mokukendabala a kwashilipaleke kutya okuyandja omayakulo nokukalela po eshi ta longo nokovakufimbinga vavo  aveshe ota shi ka kaleka po omauwa wovadani vomaudano oateletika.

“Onda hala okuhalela omahangano aeshe omaudano moshilongo omahalelo mawa eshi ve li yufa keemhango domalinyolifo, ashike onda hala yo oku kunghilila ovo ina ve shi ninga va lundulule diva, ’’ omunashipundi wokaKomisi Vivienne Katjiuongua tati.

Shikwawo, otwa koneka vali nonghumwe inene kutya peemhito dimwe Omahangano Omaudano nosho yo Omawiliko makula omaudano okwa eta po omukalo wokuninga omaudano avo pehena  elongekido lasha nopehena ekwatafano la ningwa nefimbo  ile epitikilo ladja kokaKomisi. Oshiima eshi osha nika oshiponga notashi eta ounghundi melongekido loshimaliwa osho yo omaunghundi amwe mayi eli kwatelela kwaasho. Eshi inashi endululwa vali, na ohandi indile nelifupipiko ava hamu shi ningi mushi hulife po osheshi konakuyiwa itatu keshi li didimikila vali. Ile tu kale ihatu yandje epitikilo koiningwanima yomaudano oyo inayi longekidwa nefimbo.

Katjiuongua okwa londwela vali omahangano omaudano aeshe a yandje mo omashikulafano oiningwanima yokomudo yeehani da hupa ko osho yo yomodula 2014 opo ombelewa yavo yi ninge omalongekido manga pe na efimbo nokukwashilipaleka kutya oshilongo Namibia itashi mono eedjidikila okudja  komahangano opaiwana mounyuni,  omo Namibia eli oshilyo.

Omukainhu ou Katokote momaudano a Namibia ota kunghilile aveshe ovo veli manga kumwe osho yo ovo inave li manga kumwe noNSC veli ufe komilandu domaufomhango, nova teelelwa nee va shiive Oveta yomaudano,  mwa kwatelwa nee  eemhango adishe  nomilandu domaudano. ‘’Inatu hala vali oku uda omalipopilo taadi kovanambelewa shina sha  nokuliyufa keeveta, “ osho a tonga hauhuuninwa.

 

KuCarlos Kambaekua

LEAVE A REPLY

Please enter your comment!
Please enter your name here