Omanyakwa mokwiimba “Diva” taga ka hangana koWarehouse Theatre

0
172

WINDHOEK – Eeee, kehe gumwe oku shi shi kutya o”Diva” olye na oshike. Kumboka nee kamu shi shi, “Diva omuntu omukadhona enyakwa nakupwe, a tseya uunkulungu nonkatu ye nolwindji oha kwashilipaleke kutya kehe ngoka e li pomudhingoloko gwe oku na oku mu dhimbulula ndele te mu koneke kutya ye olye.

Ashike uuna omanyakwa gatatu gahangana moondjimbo, shika osha etitha shi kale oshi ithanene shoka aantu taya ka kala taya popi kombinga yasho, yo taya ka kala ye uvite omukwelengendjo ngoka nuuna onote ya hugunina ya imbwa.

Shika osho naanaa omanyakwa gaNamibia, Lilani Kisting, a tseyika wo nawa Adora, Esmeralda Katjikuru a tseyika nawa Essy na Johné Titus taya ka kala ye tu ne na mompungulilo iinima iiwananawa koWarehouse theatre mu Sepetemba 14.

Adora, ewi lya yambuka kuumbugantu, enyakwa ndika ohali endelele, tali imbi nawa nakupwe na aluhe oli li koluuli lwomuhingi”, Essy, omuluudhe a pama pedhi ye omwaanawa. Enyakwa ndika oli shi nkene tali tula kumwe olutu nomutima e tayi eta po ewi ewanawa” naJohne, “ewi nomukwelengendjo ya kwatathana, enyakwa tali imbi ngo kadhila” ya hanganithwa mokutyapula uunkulungu womanyakwa muuyuni mbuka.

Tegelela uungalo itawu zi mopula, wa imbikika kaakadhona omanyakwa  mokwiimba gaza kooha nooha dhuuyuni auhe oku za kuJennifer Hudson, Christina Aguilera, Alicia Keys, Roberta Flack, Cher, Whitney Houston, Beyoncé sigo Gloria Estafan ndele to gwedha ko kashona oondjimbo dhongowela yoshi ‘Afro-Jazz’ ngaashi ndhoka  oombwanawa dha Judith Sephuma, Letta Mbulu, Zahara na Lira e to mono naanaa kutya aakadhona ohaya vulu okuninga shike muusiku wawo.

Oshi ithanene shika otashi ka tameka po 20:00 nuutekete otawu monika po Warehouse Theatre, uuna wa landa kuyele  okoodola dha Namibia 60 nopomweelo oodola dhaNamibia 80.

LEAVE A REPLY

Please enter your comment!
Please enter your name here