Tekulileni ounona efimaneko lovakulunhu, pamifyuululwakalo yavo

0
182

OMALAMBO – Oministeli yoshikondo shehongo omundokotola David Namwandi okwa kumaida ovadali va fimaneke omifyuululwakalo di kwatelwe melongifo lomalaka omadalelwa mo.

Pefimbo a popifa oshiwana pOmalambo moshikandjohoololo shaEenhama moshitukulwa shaHangwena, Namwandi okwa ti, oshinakuwanifwa shelongo lokaana inashi pakwilwa meke lovahongi, ndee ehongo nali tameke meumbo.

Namwandi okwa kunghilila ovakulunhu va kwashlipale kutya, ounona ove hole oikulya yomufyululwakalo wavo, hava popi elaka looina, shihe na kutya ovomihoko io ovoiwana ilipi.

 

“Ovakengeli naava va hongeka, ovo oihopanenwa mwaashi. Ava ohava takuma Oshiingilisa nounona vavo, voo kave hole oikulya yompamufyuululwakalo. Didilika kutya, ngee owa dimbwa elaka leni nena owa kolonyekwa. Longeni ounona omifyuululwakalo neenghendi, inamu va efa va ninge eshi va hala. Ngee owa efa okaana ka ninge eshi ka hala, nena oto tekula ondebula. Tekulileni ounona efimaneko lovakulunhu, pamifyuululwakalo yavo ,” Namwandi ta ti.

Pefimbo ledimbulukwo lefiku, Namwandi okwa pandula oNew Era Publication Corporation (NEPC), eshi ya tota po oshikundaneki shelaka lOshiwambo Kundana. Ta kumaida ovanangeshefa va ulike oilandifomwa yavo moshikundaneki shipe, ta ti oshifo oshi li melaka lavo onghee nave shi yambidide.

“Oshikundanekifo otashi pumbwa ku yadekwa nomashiivifo omalandifilo , noshi ilonekida ku shiivifa ihapu, yovanangeshefa aveshe meedoolopa adishe.  Kashili nawa oshifo shi kale nomapandja e na eemwaka, ovanhu nave li shivife, molwaashi, ohashi fiki  kuvahapu” Namwandi ta ti.

Oministeli yoshikondo shehongo tai kumaida NEPC yeete po oikundanekifo  momalaka omadalelwa mo akwao nokukwashilipala kutya, ovaNamibia aveshe otava dulu ku lesh’eenghundana  nokuyambual po omalaka a udike ko nawa.

Edimbuluko lefiku lomapendafule pOnakali North Combined School, ola  ningwa oshita  nenangeko lomatungo mape opashinanena  eengulu dofikola , eembelewa nomaumbo ovahongi noundjuwo va tungwa kehangano loMillenium Challenge Account(MCA) Namibia.

Namwandi okwa pandula MCA Namibia eshi ya tunga omatungo mawa pOnankali Nort, e na nolusheno nomipepi dokutalaleka.

Ta kunghilile oshiwana shi file oshisho omatungo a ha ndonyaunwe, va kale ve shii kutya, ou te a ningile oushada ota katukilwa eenghatu kepaneglo. Okwa ti, oshikondo otashi dilaadilo ku weda pofikola eendodo onhi- 11no12, ashike o fikola oyo tete i na ku ulika kutya,  otai piti nawa.

KuHelvy Shaanika

LEAVE A REPLY

Please enter your comment!
Please enter your name here