Uushona eli longekidila olwoodi lweengonyo ehuliloshivike eli

0
190

WINDHOEK – Enyakwa lomwalwoodi eengonyo Bethuel ‘Tyson’Uushona ota ka kufa ombinga moudano weengonyo mongula, eshi tave ke li denga neengonyo na nakumukondjifa waye womuKenya James Onyango, moudano wopambili wokukondjela epapa halu ufanwa International Welterweight tawu danwa omadingonoko e dule pomulongo, omo a udaneka kutya otapa ka kala oiti tayi teka  pendiki lomalandifilo laShikango, mOshikango.

Konima eshi Paulus Andimba na Wilber Force Shihepo ina ve shi pondola momalwoodi eengonyo osho sha halukifa oshiwana neenghono , Omuyandji womapapa womaudano eengonyo,  Kakukutu Nestor Sunshine Tobias okwa ti: oo e na epapa halu ufanwa World Boxing Organisation (WBO) Africa Welterwight, Uushona okwe li longekidila oku alula etumba loudano weengonyo moNamibia.

Eshi a popya noshikandjo shomaudano shaKundana lwopaife, Tobias okwa londwela oshiwana shi lilongekidile okukatala omakondobolo aa avali eshi taa ka lya oihete oufiku oo oudano tawu ka danwa. “ Tyson okweli longekida nawa na okwa tokola a ka dane oudano ou nawa kakuna vali. Olomakaya shamha le uya ope na umwe te ke lidenga po ashike haTyson nee,” Tobias ta kunghilile.

Outekete waavo veli fimaneka vo tava fimanekwa  eedola daNamibia200,  omanga vamwe to yandje ashike eedola daNamibia50. Outekete otava monika poComputicket moshilongo ashishe nopOshikango Shopping Centre. Oudano weengonyo  otawu ka patululwa  pambelewa povili 18h30. Ohatu kendambala neenghono oku eta omaudano aa popepi novanhu  noku a kaleka taa dulu okufutwa, osheshi  omaudano aa oyo vakwashiwana,” Kakukutu momaudano aa tati.

Onguloshi oyo tuu oyo otaku ka kala vali Samuel Kapapu oo ta ka pwakela na Jatoorora ‘The Sting’ Tjingaveta  momaudano aa , a amene  epapa laye londjudo yopedu lomoshilongo (national lightweight). Omaudano amwe ovadani vopetameko otaa ka ulikwa yo, omanga omushikingalo a shiivika nawa Lady May taka mwenyeka ovatali neengalo kamana.

KuOtniel Hembapu

LEAVE A REPLY

Please enter your comment!
Please enter your name here