Aanangashefa ya taamba iilongitho yoongeshefa

0
239

OUTAPI – Oministeli yUukakwashike koonkatu nOnkalonawa yuunona mOutapi oyankondopaleka aanangeshefa yopevi sho ya gandja iilongitho yokuhumitha iilonga yaanageshefa komesho metiyali lyoshiwike shika.

Aanangeshefa 13 ya za miikandjohogololo 12 moshitopolwa shOmusati, oya taamba iilongitho yawo ya yooloka shiikololela koongeshefa dhawo poshituthi shoka shali  shanuninwa ehumokomesho lyoongeshefa ooshona.

Oshituthi shika osha kwashilipalekwa kaakuluntu yiikandjohogololo ya yooloka mwakwatelwa wo omugandjimayele gwomukuluntu gwo shitopolwa sha Omusati.

Aanangeshefa oya pewa iilongitho ngaashi tayi landula, Omashina go ku hondja, omashina gokufikila, omashina gwokumboola iipilangi, omashina gwo ku opaleka omashuki noshowo iikamule.

Omugandjimayele gwomukuntulu gwoshitopolwa shaOmusati Filipus Kashima okwa kunkulile aanangeshefa opo ya longithe iilongitho nuukeka oshoka oompito dhokupewa iilongitho kepangalo oshali odha pumba.

Kashima okwa ti kutya ngoka ta ka a dhika ta longitha iilongitho papuko ota kaungwaungwa naye koombelewa dhililepo uukengeleledhi .

Gumwe gomwaamboka ya tambula omashina ongaashi Albinius Amupadhi a za koshikandjohogololo sha Shikuku ngoka a totapo ongeshefa ye momumvo 2010 yina sha noku teta oomafufu noshowo okupanda.

Amupadhi okwa tumbaleke oministeli yuukakwashike koonkantu tati okwa pandula lela noonkondo kiilongitho oshoka ka li tavulu oku yilanda naashoka hamonomo mongeshefa ye.

Omunangeshefa gwopevi Amupadhi okwa ti omolwompumbwe yiilonga moshigwana, okwa dhiladhila okutotapo ongeshefa ye opo a kwathele oshigwana she uunene tuu aagundjuka mbono yena uunongovalelwamo wo kuyopaleka aantu momitse noshowo okukulula.

Omunangeshefa omukwawo osister Perpetua Kahala ngoka ena oshikunino shiikwamboga ya yooloka mOutapi.

Kahala okwa li a pewa ominino dho kutekela iikwamboga ye noshowo okashina kokupomba omeya mOkanala hoka keli popepi noshikunino she.

Perpetua omunamimvo omilongo 73, na okwa ti oshoka omutumba ethete okwa tokola opo a totepo oshikunino she shoka tashi landitha iikwamboga koosikola dhoka dhina omihandjo ngaashi Oshipeto Combined School, Canisieum Combined School noshowo Iilyateko Combined school.

Perpetua okwa li omulongisikola nokwa yi moshipundi shevululuko momumvo 2000.

KuLoide Jason

LEAVE A REPLY

Please enter your comment!
Please enter your name here