NAMTIFS ta landitha iipambuliko kaakwashigwana

0
161

WINDHOEK – ONamibia Trade Inspection and Forensic Services (NAMTIFS) oya tseyitha ohela kutya otayi tameke nomalanditho giipambuliko yi thike poopelesenda 59 kAaNamibia.  Moopelesenda  ndhoka 59  dhiipambuliko, oopelesenda 10 otadhi ka lundululilwa koshiketha shaaniilonga.

Omalanditho giipambuliko ngaka, oge li oshitopolwa shoku kaleka okampani onkwaNamibia. NAMTIFS  oyali nale onkampani pakuudha onkwaSouth Africa nooyene yawo oyali okampani onkwaSouth Africa, Agrilnspec SA. Osha tseyithilwe wo kutya, Helmut Angula na John Nekwaya otaya ka kala yamwe yomaawiliki-kuluntu yokampani ndjika.

Angula okwali oshilyo shegumbo lyokuninga oompango lya Namibia ano National Assembly of Namibia okuza  1990 sigo 2004 nosho wo okuza 2008 sigo 2010.  Okwa kala e na eithano lyokuwilika mepangelo, a longa moondondo dhilwe ngaashi, Minista gwiilonga niiyenditho, Minista gwuunamapya nuuniimuna, Omeya nehumithokomeho lyokomikunda, Minista gwiimaliwa nosho  tuu Minista gwoohi noonzo dhomefuta. Okwa li wo Omuwiliki-Ndjayi gwOkomisi yomapendulepo goshigwana [National Planning Commission] nokwa longo wo onga Omutaleli gwaSWAPO takalelele kIigwana Hangano [United nations] kuNew York.

Okuna onzapo yopombanda yodigilii yoMaster yaza koVoronezh University moRussia nonzapo yomakwatathano gopaigwana. “Otuna elago shili mokutaamba ko aawiliki-kuluntu mbaka aape mokampani yetu na otwa pandula lela omolwa iilonga mbyoka ya longwa po mehangano lyetu,” etumbulo lya pitifwa kokampani osho li li ngawo.

Nekwaya omunashipundi shoNamibia Development Corporation (NDC) ye oshilyo wo shoNamibian Institute of Bankers. Okwi ilongela uunambaanga ye e na ondigilii muuwiliki [B.Admin degree], CAIB no  SMP okuza ko University of Stellenbosch. Ekuthombinga lye monkampani otali holola kutya okuna lela ongushu moNAMTIFS yo nayo oye shi nyanyukilwa. Oya tegelela ashike natango eyambidhidho lye noku eta po uunongo uupe.

Elalakano lyoNAMTIFS olyo okunkondopaleka omalanditho ano okulanditha nenge iipindi ano okupindika. NAMTIFS okampani yopaumwene. Otayi longele pamwe nomahangano galwe gepangelo nogopokati komapangelo giilongo yilwe okuninga omakonakono genasha nuufuthi, uulunga nokuhaalonga moshili nenge pauyuuki shina sha nokupindikathana nenge okulandithathana. NAMTIFS okwa tsa omuthindo unene mokutala nawa oku eta mo nokukutha mo iinima, okutala nokukonaakona iiholelwa yiilandithomwa, okutala nawa omayakulo taga gandjwa, nokutala wo iilandithomwa yaashi yongushu yoshili nenge yomadhina kaageshi golela. Okukonenena omilandu niikwamashina ya yooloka opo ku keelelwe uufuthi nuumbudhi wopamalanditho pokati kiilongo naNamibia.

Okampani ndjika oyo tayi longo pehala lyaNamibian Agronomi Board na Namibi Mills tayi longo iilonga yoku konenena iilandithomwa poongamba.

Komunambelewa omukundaneki

LEAVE A REPLY

Please enter your comment!
Please enter your name here