“Okanona komekondjelomanguluko” ka dhenge okakwawo molwiihulo

0
173

WINDHOEK – Omunamimvo omilongo 32, Paulus Mweshi Petrus, oshilyo shomongundu yuunona wekondjelomanguluko mboka wa kala uule woomwedhi tawu lala pondje mootenda kooha dhoshilando shaVenduka, tawu pula epangelo li ya pe iilonga, okwa holoka mompangu oshiwike shika sho a ponokele nokudhenga okanona kakwawo komekondjelomanguluko, okakiintu, sho ka tindi okuya naye miihulo.

Otaku tiwa Petrus aniwa okwa dhenge Frieda Mokhana mu Juli mo31, emu dhenge noongonyo koshipala, montulo nomoshinena, polukanda lwaKahandja Park mOvenduka mpoka ongundu yuunona wuukondjelimanguluko  wa kala tawu lala mootenda. Mokhana aniwa okwa yono sho a tindi okuya miihulo naPetrus.

Petrus ngoka ali a kwatwa mesiku lyotango lya Aguste, okwa li a pewa i ifutile mo nooN$500 mompangu yaKatutura mOvenduka. Ota lundililwa edhengo nelalakano okuehameka olutu noonkondo.

Pakupopya koonzo dhishi nawa oshinima shika, aniwa  Mokhana okwa tindi okuya miihulo na Petrus, nenge emu pitike aniwa emu gume kiitopolwa ye yopaumwene. Okutinda hoka okwa etitha nduno opo Petrus emu ponokele noongonyo.

Oshipotha shika osha undulilwa komasiku o12 ga May 2014 shika pulakenwe. Mangesitalata George Mbundu osho a tokola. Omupanguli gwepangelo okwali Anthony Wilson.


KuTunomukwathi Asino

LEAVE A REPLY

Please enter your comment!
Please enter your name here