Omulumentu i imangeleke konima sho a pulwa iimaliwa

0
153

WINDHOEK – Komishina gwOpevi gwOpolisi Edwin Kanguatjivi, omukuluntu gwoshikandjo shoku popilako Opolisi okwa lombwele iikundaneki mOlyomakaya  kutya, omuAngola gwedhina Mwetulungila Timbo, 45,  okwi imangeleke nongodhi momudhingoloko gwOpuwo konima yoondjuma nomuntu gulwe ngoka a li ta pula iimaliwa ye.

Timbo okwa adhikile e endjelela komuti, Kanguatjivi ta ti.

MEtitano potundi 22:00 molukanda Okahandja Park, aapambele yaali oya li taya kondjo noyi itsu noombele na gumwe okwa hulithile oondjenda dhe mpoka. Omukwawo, okwa dhitikwa na okwa tegelelwa a ka pangulwe mOmaandaha mOmpangu yaNgesitalata poKatutura.

MOlyomakaya, omunamimvo 26, David Sylvanus, okwa sile konima yoshipangelo shopokati shaVenduka lwopotundi 22:30, konima sho a li ta hingi ohauto e ta nyengwa okutanagula oshiteelinga. Ohauto oya thigi po opate e tayi galangata lwiikando oyindji. Otaku tengenekwa kutya, mohauto okwa li mo oye awike.


KuTunomukwathi Asino

LEAVE A REPLY

Please enter your comment!
Please enter your name here