Oshitukulwa shaHangwena oshi li pombada mokulonga ovakulunhu Okulesha nOkushanga moNamibia

0
175

EENHANA – Ondodo yelongo lOkulesha nOkushanga moshitukulwa shaHangwena oili peepelesenda 86 pakuyelekanifa pondodo yopashiwana moNamibia koonono oyo ili peepelesenda 89.  Ota shi ulike kutya ovanhu vedulife pomayovi atatu nomafele ane (3 400), ovalumenhu novakainhu, oveli velishangifa novakufa ombinga mehongo lovakulunhu olo la kala nokuyandjwa koshikandjo shoLifelong Learning mOuministeli wElongo okudja nghee elongo lovakulunhu la totwa po – Opoloxalama yopashiwana yElongo lovakulunhu modula 1992.

Ta popi petyapulo loku dimbulukwa oshivike shopashiwana shovalihongi ovakulunhu nosho yoo Efiku lOpaunyuni loku lesha nokushanga kOsekundofikola yopombada yOshela kOkongo moshitukulwa shaHangwena, Omupeduminista wEtanga lEameno, Petrus Iilonga okwati Namibia okwa pumbwa okudidilika noku meta oshinano osho vaenda mokuyakula ovanhu vasho melongo lovakulunhu.

Okwa didilika yoo kutya elihongo eli ola fimana mekandulepo loluhepo, okushunifa pedu  omafyo ounona.  Onghee nee oikandjo aishe yepangelo oina okuunganeka ovanhu noilyo aishe, ovanhu ovo hava longo moikandjo ilili nokulili, ovo veli panghatu yoku kufa ombinga melongo lovakulunhu, veli shangife.

“Elongo lovakulunhu ohali eta ouwa kongushu younhu, oha li eta omalunduluko notali yambidida eputuko mokutunga oshiwana shina eshiivo mokulesha, ota li kwafele yoo ouyamba nexumokomesho monghalafano yovaNamibia aveshe koonono” Iilonga ta popi.

Enenediladilo lopashiwana lodula ei olo “Elongo lokushanga nokulesha okukwatela mo eemhito dokuhwepopaleka onghalamwenyo  moNamibia [Literacy for Engaging Livelihood Opportunities in Namibia]” omanga enenediladilo lopaunyuni olo  “Elongo lokushanga nokulesha molwa ounyuni wonena [Literacies for 21st century]”

Iilonga okwa popya yoo kutya, okudja momavalulo ovanhu oo aningwa modula 2011, oshitukulwa sha Hangwena oshi li peepelesenda 86 okuyelekanifa nondodo yelongo lovakulunhu moNamibia oyo ili peepelesenda 89.

Oshitukulwa sha Hangwena oshi na omwaalu wovakulunhu  vahapu ovo vakufa ombinga melongo olo.  Okwa ulikwa kutya omuna ovalihongi vefike po 2 699 vo National Literacy Programme moHangwena veli koshi yo (NLPN), novalongwa veli 699 oveli mo Adult Upper Primary Education (AUPE).  Kakele kwaasho, oshitukulwa oshina yoo omandiki eli a 8 oo eli taa yandje elongo kova San, ovo vehena omakwafo a wana, omandiki avali eembolo, endiki limwe laavo vena oulema womesho nosho yoo omandiki akwao oilonga yelongo lokulesha nokushanga.

 

“Opena yoo ovanambelewa vopolifi veli 281 va kufa yoo ombinga melongo omu, veli shangifa no Adult Upper Primary Education momandiki eli 11.  Eli exumokomesho lishi ku talwa olo yoo lili momulandu woukongo woku nghonopalela onakwiiwa pakushonopaleka oluhepo nokuhanga oufikilo wo Millenimium Development nosho yoo okuhapupalifa onghatu yelongo lovakulunhu moNamibia,”  ta fatulula.

Omupeduministeli wetanga leameno okwa holola yoo eudonawa laye kovakwashiwama ovaNamibia, shaashi ova monifa oshilongo epapa lo UNESCO Confucious  mokulesha nokushanga.

“Epapa eli lopandondo younyuni itali ulike ashike kutya oshilongo otashi xumu komesho momukalo uwa, otali holola yoo kutya elelo loshilongo  olili layukifa Elongo lOvakulunhu momukalo uli mondjila,” ta weda po vali.

Okwati yoo epangelo oleli pyakidila oku nenepeka eemhito deandjakano lehongo lovakulunhu lopombada, Eyambulepo lOmaunongo Ovakulunhu pakulilongela Paumwene, Elihongo moshiwana, neetundi dokukwatela oilongwa mumwe.

“Eshi ota shi kala eetundi doule wodula imwe, okukwatela kumwe oilongwa notaika tula kumwe oinakuwanifwapo yondondo 8 noshoyoo 9.  Edilaadilo opo ovalihongi vo AUPE naavo vaxuulila mondodo 8 no 9 opo va mone omhito yokutwikila nelongo vo va dule okulishangifa mondodo 10 noshiputudilo NAMCOL.  Oinima aishe nee ei okwa tengenekwa inenepaleke oukalipo neemhito moNamibia nopefimbo tuu opo ota i kufa yoo ombinga yokuhanga ondjodi yoVision 2030”, ta weda po ngaho.

Martha David weedula 44, adja komukunda Enghandja, umwe womovakufimbinga mElongo lOvakulunhu, okwa lombwela omutoolinghundana woshifo shoNew Era kutya, eshi adja mekondjelomanguluko, okwa kufa ombinga melongo lovakulunhu momudo 1998, kakwa li eshi kulesha nokushanga ndele paife okuli oye hamushanga momukunda omo.

“Kakwa li ndishi okushanga edina lange ndele eshi nda mana okulihonga nonda mona odjapo yange moAUPE, ohandi dulu okulombwela omupangi ile ndokotola koshipangelo kutya onda hala omiti doludi lilipipo.  Ohandi tu omukumo oovakwetu aveshe okudja komikunda di lili nokulili moNamibia opo va ndalapatele Elongo eli lOvakulunhu,” ta kunghilile.

 

Oshitukulwa shaHangwena oshi li onga ehokololo liwa.  Osha didilikwa yoo kutya moshitopolwa omwadja ovanenenhu ovo vali yoo oilyo yELongo lOvakulunhu.  Vamwe vomuvo oveli tava twikile elongo lavo koiputudilo yopombada ngaashi UNAM, Polytechnic of Namibia (PoN) omanga vamwe vayelwaayelwa keenhele davo doilonga molwa omaunongo oo veli wedela ko pailonga yavo.

Nande ongaho, kakele komauwa oo adja melongo, Elongo lOvakulunhu olili inali udiwa ko nawa oule weedula dihapu molwaashi ola talwa ko onga omukalo uli pedu uhena ongushu.

Etyapulo loshiifanene eshi moshitukulwa Ohangwena kOkongo okwali yoo kuna ooKansela vopaitopolwa, ovanambelewa vepangelo, ovalongifikola novakwashiwana mwa kwatelwa oludi lovaSan.

 

KuClemence Tashaya

LEAVE A REPLY

Please enter your comment!
Please enter your name here