Shilimela ta nkondopaleke omayakulo gegameno moNamibia

0
862

ONDANGWA-Ehangano lyokungandja omayakulo gegameno lyedhina Shilimela Securutiy Services olya likola omadhagadhaga gaali metitano molwokunkondopaleka omayakulo gegameno moNamibia nomoDemocratic Republic of Congo.

Omunamimvo omilongo 45 Omunambelewa omukuluntu, Banda Shilimela okwali nakulwa omukulu gwometanga lyopulana ngoka a longa metanga lyaakwiita lyaNamibia hali ithanwa Namibia Defence Force (NDF) ongomupolisi gwuukwiita muule woomvula omulongo. Momumvo 2002, Shilimela okwa zimo moNDF nokwa longitha iimaliwa ye yopenzela okutota shoka hashi ithanwa nena Shilimela Securuty Services, moka ya kala taa longo pamwe momukulukadhi gwe Esra Shilimela ongomupeha gwomunambelewa omukuluntu. Omunangeshefa nguka a simana omvalele yaShigambo, okwa tameka ashike naaniilonga yatano, mboka ngashingeyi ya indjipala noye vule nokuli po3000.

Ngashingeyi Shilimela oye mwene gwaShilimela Security Services mOndangwa noshowo gwo  Security International moDRC. Ehangano ndika olina oombelewa naagameni muNamibia alihe mboka haya gamene omaliko gepangelo, gomahangano ngoka epangelo lina mo oshitopolwa mugo, oongeshefa nomagumbo.

Omasiku gazi ko ehangano ndika olya likola omadhagadhaga gaali okukaleka po egameno lyomahala galyo oshowo egameno lyookastoma dhalyo okuzilila mewangandjo. Ndyoka tali ka kala moNamibia, Robinson R44, otali vulu okuhumbata aantu yane mwa kwatelwa omuhingi. Omanga ndyoka tali ka kala koDRC, N330MG, tali vulu okuhumbata aantu yahamano mwa kwatelwa omuhingindhila. Kakele komadhagadhaga, Shilimela okwa landa ooToyota dhoVVTI oompe dhili omulongo okukondjitha iimbuluma moshitopolwa.

“Omakondjithi giimbuluma” ngaashi Shilimela hega tumbula otaga vulu okulongithwa koshigwana na otaga vulu wo okulongithwa kaapolisi paulumompumbwe, okuyambidhidha miikonga yokuhupitha ngaashi omaupyakadhi haga etwa koonkondo dheshito. Shilimela okwa londodha oombaanga dhi longithe omayakulo gegameno lyomombepo uuna tadhi fala omwaalu gwiimaliwa oyindji unene okuza koongeshefa okuya koombaanga, okushonopeka ekanitho lyiimaliwa. Omunangeshefa kamana nguka ota tsu omukumo oonakulwa aakulu ooyakwawo yi ilongele sha yoyene peha lyokutegelela epangelo li ya pe , yo ya longithe nawa oN$50.000 ngoka ya pewa omolwiita noN$200.000 goopoloyeka . Shilimela okwati oN$50.000 oga ngushupaleka ongeshefa ye omanga oN$200.000 ga landela ongeshefa ye iilwitho nuuradio wokulongitha pamakwatathano.

 

Omunangeshefa nguka omunene ota lombwele aaNamibia mboka taya yi koDemocratic Republic of Congo ya longithe edhagadhaga ndyoka lyo N330MG.

KuNuusita Ashipala

LEAVE A REPLY

Please enter your comment!
Please enter your name here