‘Sting’ Tjingaveta a galukila mondambo

0
218

… Tyson osho e shi pondola natango

 

WINDHOEK – Ngoka a li nale nepapa lyuuyuni lyondjundo ompu muudhano woongonyo  [World Boxing Organization (WBO)] Kadhenga muAfrica Jatoorora ‘Sting’ Tjingaveta okwa holola ishewe eitulomo lye mokugalukila mondambo, sho a mokagula nuunyakwa Samuel ‘Hummer’ Kapapu e ta sindana olugodhi nduka italu gandjelwa ekopi lwondjundo ompu. Olwa dhanenwe muule womadhingoloko ga kindja gahetatu, sha ningilwa mendiki lyali lyuudha aatali lyomalandithilo poshilando shokoongamba mOshikango.

 

Sho a popi noshikandjo shomaudhano shoNew Era konima ashike yesindano lye, Tjingaveta okwa holola oku uva nawa kwe muudhano auhe, unene ngaa okuza petameko lyedhingoloko etihetatu sigo opehulilo. Onda kwatwa kombepo yuudhano e tandi tameke te hwanuna nuupu. Onda nyanyukilwa okudhana kwandje, molwashoka onda kala tandi pangele uudhano auhe na shoka osha pele ndje lela uugumbo nomukumo opo ndi ye komeho”. Ngoka a li nale nepapa lyuuyuni lyondjundo ompu a shike okwa ningi uule woomvula ndatu ina dhana, osho a ti.

“Ngashingeyi otandi vulu okupopya nda manguluka kutya, nda galukila mondambo na kashona ashike, omutungilo gwandje nagwo ogwa galuka. Ngaashi naanaa ndeshi popile metetekelo kutya, paife otandi ka shuna komadhewo. Oshinima shoka shi li po osho oku idheula noonkondo. Sheni, okutegelela ashike kutya omuhumithikomeho gwandje ota ningile ndje shike. Shono sha yela osho shoka kutya, omalugodhi omanene ota ge ke ya notandi ka taalela omamentu ga kindja shili.

Nguno Kapapu ota ti, okudhengwa kwe otaku ti oshishani she shoka shepapa lyondjundo ompu, keshi na we manga. Oku na nduno oku kondja ishewe molugodhi lumwe opo a kaleke po epapa ndjoka. Oompango otadhi utha kutya ngele ngoka e na epapa okwa kana molugodhi, kutya nee olwali talu kondjele epapa nenge aawe,  epapa ndjoka okuna oku li kuthwa manga.

Molugodhi olukwawo lwali lwa ndjena uudhigu wowala, opokati kaBethuel ‘Tyson’ Uushona, nakuzala epaya lyondjundo ondhigu kashona lyaAfrica [WBO Africa welterweight] ngoka a pondola okusindana muusiku mboka wali wuna omakondombolo taga kondjele lela ehete lyontaku. Sho ye a mokagula noongonyo tadhi hwanunwa oshimati shoshene, e ta pokagula James Onyango gwokuKenya momadhingoloko ga pitilila pomulongo guudhano itawu kondjele ekopi.

Muudhano waaNamibia, Immanuel Andreki okwe shi pondola opo a potagule Manfred Haimbanga miitsa, ye ta ningi gwotango mosheendo shaambono opo taya koko yondjundo ompu, omanga, Sakaria Lukas a vunyagula Emmanuel Simbeye gwoko Zambia medhingoloko ashike lyotango ete mu tumu kondje hwii.

Abner Mwafangeyo e shi pondola okudhenga Johannes Matheus miitsa molweetho lwoshikonga shobantama. Ishewe, Johannes Simon okwa sindana olugodhi lwe lwobantama sho a thekagula Onesmus Nekundi, ye Walter Kuutondokwa ta dhenge Mohabi Mothiba a za ko Botswana e ta sindana po olugodhi nduka lwondjundo yopokati. Oshiithanene shika shuudhano woongonyo osha fuulile aantu ye thike lwopo 2500 ya zi koondoolopa dhi ili nodhi ili moNooli yaNamibia.

 

KuOtniel Hembapu

LEAVE A REPLY

Please enter your comment!
Please enter your name here