Omeya ga etitha omaso gaanona yaali

2
166

WINDHOEK – Aanona aashona yaali, gumwe gwOmoshitopolwa Omusati nomukwawo gwokoshitopolwa Oshana oya mana oondjenda dhawo mehuliloshiike sho ya gwile momahemele gomeya, Omupopiliko gwopolisi osho a ti.

Okanona koomvula ndatu komomukunda Omindamba, mOutapi mOshitopolwa Omusati, oka gwile mehemele. Omanga Leonard Immanuel, a adhika a gwile mokangoma komeya kooliitela 60 e ta mana oondjenda dhe mOlyomakaya po15:00.

Inspekta Omukuluntu Pretunilla Kauna Shikwambi okwa kundaneke Kundana kutya, Nakusa Immanuel okwa lombwelelwe a ka keelele iikombo pelugo. Konima yoominute oonshona, aanegumbo yamwe oya yi kelugo noya adha ko iikombo na Nakusa Immanuel e li mokangoma.

Komukunda Egulatula moshitopolwa shOlukonda, mEtitano potundi 18:00, okanona koomwedhi omulongo nayimwe Selma Nangula Moses oka adhika ka sila mehemele. Otaku fekelwa kutya Nakusa Selma otashi vulika a li ta dhana omeya pwaana aakuluntu.

Onkundana onkwawo ishewe yoludhodhi oyo ndjoka kutya, mOlyomakaya, Panduleni Sakaria gwoomvula ne, okwi itsuwa a mana oondjenda dhe mondunda yokulala. Naashoka sha etitha eso inashi tseyika manga nomakonaakono otaga tsikile, Shikwambi osho a ti.

Momudhingoloko gwoAuasblick moVenduka potundi 15:00 mOlyomakaya, Lionel Liswaniso gwoomvula 24 okwa adhikile a mana oondjenda mondunda ye yokulala. Shoka sha etitha eso otashi konakonwa.

 

Ku Tunomukwathi Asino

2 COMMENTS

  1. Kalunga na hekeleke oonakuthigwa po ayehe. otandi kumagidha aantu opo ya kale ta siikile omayemele oshowo uungoma ngele megumbo omu na uunona uushona….

LEAVE A REPLY

Please enter your comment!
Please enter your name here