Okwaaka iha ku izi peteta…

0
227

Omuwiliki gwekondjelomanguluko ta gamene omukwao


WINDHOEK
–Omuwiliki “gwAanona yomekondjelomanguluko”,  Josua Joseph Shivute, mOmaandaha okwa pataneke omapopyo ngoka taga popiwa kutya gumwe “gwomaanona yomekondjelomanguluko” omunamimvo omilongo ndatu nambali Paulus Mweshi Petrus okwa dhenge omukwawo omolwa omilalo.

Shivute okwa ti Nakulundila omukwawo, okwa li a kolwa. Ta gwedha ko ishewe tati, Nakulundilwa ka li po pethimbo ndyoka. Ishewe shoka sha etitha edhengo, oselefona ndjoka ya kanene, Omuwiliki osho a ti.

MEtiyali lyoshiwike sha piti pOmpangu yaMangesitalata moKatutura, Etokolo lya ningilwa Petrus molwa oshipotha anuwa shokudhenga Okanona komekondjelomanguluko  okakwawo  molwaashoka inaka hala ka ye naye momilalo, okwa i ifutile mo mondholongo noodola dhaNamibia 500.

Petrus ota tamanekelwa okudhenga nelalakano lyoku ehameka kolutu. Epangelo otali ti kutya otaku fekelwa kutya Petrus okwa dhengele Frieda Mokhana mo31 Juli sho e mu dhenge nongonyo moshipala, montulo ndele nomezimo nelalakano olya li oku mu ehameka kolutu, shika osha ningilwe molukanda lwaVenduka talu ithanwa Okahandja informal Park moka aanona yomekondjelomanguluko ya ninga ontanda.

Petrus okwa mangelwe po mu August 1. Kuuyelele wa gandjwa koonzo dhishi oku ineekelwa otawu ti, Mokhana okwa tindi okuya momilalo naPetrus nenge okwa tindi opo a gumwe kiilyo ye yopaumwene sho osho nduno, she mu dhengitha.

Yamwe yomaanona yomekondjelomanguluko mboka ya popi noshifo shika ashike inaya hala omadhina gawo ga tumbulwe oya ti, aanona yamwe mboka ye li mohole, ohaya lala pamwe aamati naakadhona. Omanga yamwe haya lala ngaa ashike nooyakwawo mootenda moka.

Aagandji yuuyelele yamwe otaya ti, Petrus naMokhana oye li mohole. Mokhana, okwa li ashike anuwa  a kolwa ye a kala nduno a hala Petrus a ye mondholongo. Shika osho sha etitha “ehokololo lyokutya okwa dhengwa”. Oya kala lela Mohole okuza Apilili, aanona yamwe oya ti ngaaka meholamo molwashoka oya tila kutya ngele omadhina gawo oga tseyithwa, ota shi vulika ya tidhwe po kooyakwawo mpoka ye li.

Oshipotha shika osha undulilwa ko12 Mei 2014. Petrus natango omo eli mondholongo molwaashoka kali i ifutila mo, oonzo dhuuyelele osho dha ti. Mangesitalata George Mbundu oye a li ta pangula nOmukalelipo gwepangelo okwa li Anthony Wilson.


KuTunomukwathi Asino

 

LEAVE A REPLY

Please enter your comment!
Please enter your name here