Orizza a totele Oshifo Kundana okangalo

0
212

WINDHOEK – Hafeni “Orizza” Immanuel, oye  omuhikingalo gwotango ngoka e eta po enenedhiladhilo nokwa kambadhala opo a totele oshifo shoshigwana Kundana, okangalo.

Orizza okwa ti, okangalo haka otaka ka pita mEtitano lyoshiwike tashi ya notaka ka tanga oshifo shika, okukumagidha nokundungika aapulakeni naapopi yelaka lyOshiwambo nkene ye na oku shi landula.

 

“Okwa li ndi wete sha simana nosha pumbiwa okuulika uunyakwa wandje okupitila mokangalo haka, moka nda ndjandjukununa, nda tanga nokutotha mo shoka hashi gandjwa koshifo shoshigwana Kundana,” Orizza ta ti.

Ta gwedha ko ishewe ta ti, shi shi li momutima gwawo ongaahikingalo yopevi, okutula oshifo komeho nokutaandeleka etumwalaka kukehe gumwe, taya pitile moongalo dhawo.

Okangalo haka otaka ka kala kamwe komuungalo womoAlubuma ndjoka ya tegelelwa yi ka pite omwedhi tagu ya notayi ki ithanwa “New Fashion”. Orizza okwa li a tseyika nawa koyendji nokwa ningi edhina lye sho kwa li ulike uunongo we poshituthi hashi ithanwa  Olufuko, sha dhanene  mOutapi omasiku ga ka pita, moka a li a nyanyudha nokwoondodha omeho gaatali nuungalo we ngashi, Uukadhona na-My Life (Onkalamwenyo Yandje) ta kwathelwa ku-4 Engen.

Nonande a yambekwa nuunongo wokwiimba oongalo nokuli te shi enditha nawa mongashingeyi, ota pumbwa eyambidhidho lyopaulumompumbwe lyoshimaliwa opo a gwanithe po ondjodhi ye netimaumbwile ndjoka e na okupititha oAlubuma ndjoka a hala yi ka kale oyo kamana kaNdongo notayi dhana onkandangala.


kuPinehas Nakaziko

 

LEAVE A REPLY

Please enter your comment!
Please enter your name here