Fye itatu hengana -Kambwa nomukadi

1
1186

ONGWEDIVA – Omunangeshefa a shivika nawa David Kambwa Sheehama nomukulukadi waye Katrina Elifas-Sheehama ova ekelashi omapopyo oo taa ti kutya ohombo yavo kai na ombili nota i  hale okuteka.

Kambwa nomukadi oo eli yoo omona wohamba yaNdonga Immanuel Kauluma Elifas ova lombwela oshifo shaKundana kutya omapopyo aa oipolopolo yongaho nokae na oushili washa.

“Fye otu li meembili detu, ovo tave tu totele omahokololo mai ovetu halela ashike omupya. Ashike kai fi ondjo yange eshi ndili omoona wohamba, kai fi ondjo yange eshi ndahombolwa komunangeshefa akula, no kai fi ondjo eshi handi longo noudiinini.

“Ovanhu nava tule po omukalo wokutotela vakwao eendaka dii. Okutota kakuwa, ashike oshili xwepo ngee tava toto mapopyo mawa. Ngaashi omusamane wange tati, xwepo va ete po omutoto kutya kooKambwa oku na eesamende dili mofandifa,” Katrina tati.

Sheehama nomukadi Katrina ova yapulifa ohombo yavo neudo, momafiku  July 6, mOlukonda, noshivilo hombolo shavo oshali sha talika ko ku vahapu onga oshivilohombolo dingi shokomudo ile nokuli moshikakofimbo sheedula omulongo.

Konima ashike yomwedi umwe eshi va yapulifa ohombo yavo, omapopyo okutya ohombo yavo oili moupyakadi oa tameka. Vamwe ta va hokolola kutya oupyakadi mohombo owa etifwa etifwa ku umwe womovalihomboli oo avaka nomulumenhu ile lomukainu umwe. Eshi vati osha eta kokuhelineekelafana mohombo.

Ovalihomboli ava otavati kutya kaveshi kutya olye tameka omutota uli ngaho.

“Omapoyo oo otaa kumwifa unene, shaashi ovanhu otava popi ashike ndee kapena nande oumwe euyile kuame, ile a dengele nge, a pule nge ile a pule nge ile a pule omukulukadi wange, otava popi ashike ve li oko ve li. Hano ovanhu ohava kala va lulilwa koshike? Omunhu umwe okaume kange ndee ota popi ashike oipolopolo. Ngeenge mbela va lilulwa keendjala davo oha va tameke omitoto,”

“Fye katu na oupyakadi washa, nopaifa ngaha ondili nomukulukadi wange tweli pyakidila noilonga. Ame omunangeshefa nomukulukadi wange omunangeshefa. Ohombo yetu oi li momake aKalunga,” Sheehama ta ti.

Katrina oo ta ti ye omukainhu omuAfrika no ita dulu oku popyaapopya omanga a hombolwa, okwa popya pauxupi kutya, ye nomulume ova yambekwa eshi vadalwa kovakulunhu vawa, ove tave va pukulula no tave va pe omayele ngee ve na oudjuu ndele haunyuni aushe ngaashi tau popi ohombo yavo.

 

 Ku Helvy Shaanika

1 COMMENT

  1. Well said statement, I hope everybody understand the message from both couples. Please leave people in their peace,. and concentrate on your own business. We love you Kambwa family.

LEAVE A REPLY

Please enter your comment!
Please enter your name here