Oontsezi osho dha tidhwa koshana koondumetana

0
198

WINDHOEK – Oontsezi muudhano wetango lyokoompadhi dhoosipana dhooAfrican Stars, Black Africa noTigers osho dha kanitha oompito dhadho mondambo yuudhano woLiga yoNamibia Premier League (NPL) konima sho inadhi enditha nawa uudhano pomathimbo gamwe gomakondjelo-makopi nando  inadhi kana nando omuudhano umwe muuLiga uushona wa dhanenwa mpaka naampeyaka. Adhihe ndatu inadhi shi pondola okusindana muudhano wuuLiga uushona  womathigathano gosipana o12, nonando odhili pombanda moongundu dhawo konima yomaudhano gopetameko moka kehe gumwe e na iitsa ine. Omuntu oto yeleke to ti, osho dha tidhwa koshana koondumetana inaashi tegelelwa.

Kakele kaamentu yaAli Akan mboka yoFNB Orlando Pirates, oosipana oonkwawo odha li dha pumbwa okumona iitsa oyindji pethimbo lyomaudhano gehuliloshiwike lya piti ashike, oya ndopa sho uudhano wa tameke pokati kongundu ontine pokapale kaSam Nujoma mOlyomakaya mOvenduka. Mwene gwekopi African Stars ngoka e li sindanene po moshikando sha pita mewiliko lyaAkan, okwa li ta dhiladhila kutya ota kala nalyo natango. Aawe, hasho sha ningwa! Ondjodhi yawo osho ya hanagulwa kiimentu yokomunkulofuta yoEleven Arrows yi ikufa konima nookola e taya hanagula aadhani yomukunda gwawo PC Blue Boys no3-1.

Shika osha etitha nduno Arrows na Stars kehe gumwe a kale niitsa 4, ashike mbaka yokomunkulofuta oya yi komeho momayalulo gookoola. Ishewe, oRamblers oya sindana sho ya dhenge oLHU Blue Waters nokoola yimwe Muudhano mboka wa dhanenwe  osima  yowala molwashoka ayehe oya kanene nale medhingoloko lyotango.

Mbaka yoCivics oya ningithwa elago koBlack Africa ndyo ya dhenge United Stars no4-1. Shika osha etitha ya ye kedhingoloko lya landulwa kulya hugunina. Pokati mpoka, aamentu yoTura Magic ya hanagula shi etitha ohenda oRundu Chiefs ndjoka tayi ihilile miiyendo yaashi yawo. Rundu Chiefs a tulwa ookoola 5 no ina yamukula nando. Shika osha tulitha o Tura Chiefs komeho e ta pitilile omuhona Tigers.  Akan, ngoka pwaana omalimbililo tashi vulika oye kootja ya simana moNamibia, okuli natango kuunyolo woku toola po ekopi oshikando oshitiyali sho a kutha ko oshipundi.

OmuKurdish ngoka ha lunduluka mbala nga thimbithimbi okwa sindanitha oStars moshikando sha piti. Omanga oGhosts ndjoka yi na osikopa moka ando muna oku tulwa ekopi yu udha ngaa nduno ombundu oomvula adhihe ndhika, otaya ki itaalela nosipana ndjika yaagundjuka yoTura Magic moka taya ka dhimbulukwa omavi sho ga li omayamba, omanga mbano yoEleven Arrows taya ki inhuka no Civics. Omaudhano ga hugunina otaku dhiladhilwa ga ka kale ko mu 05 Kotoba ashike, ehala  otali ka tseyithwa lwanima. Mboka taya fofotwa kutya pamwe oyo ngaa taya kadhana pehulilo OBuccanneers naambono ya pyokoka mokudhana ngashingeyi oCivilians.


KuCarlos Kambaekwa

LEAVE A REPLY

Please enter your comment!
Please enter your name here