Haimbala ta ka ninga okavideo komusika ye

0
199

WINDHOEK – Onkulungu yoongalo dhoShambo, Susana Haimbala, ota ka kala ena ongulohi yomaulikilo ta imbi omaimbilo, shono sha tskanena netseitho lyokaimbilo ke hoka kedhina “Heal Me” mOlyomakaya ta ge ya (5 October).

 

Oshiithanene shino tashi ka kutha ombinga koCollege of the Arts oko woo Haimbala ta ka ninga ok video komusika ye.  Ongulohi ndjono ota i ka kala woo yi na aahikingalo ngaashi ongundu yoShemiyetu, Ras Sheehama, Setson the Mighty Dreads, Steven Africaner, Lusino, Monique, Celestino, Mbira Queen na yakwao oyendji, Haimbala ta popi ngaaka.

Haimbala okwa popi ishewe tati, oka video hono ta ka kaningwa oka kwatelamo uuimbilo mbono  iimba nale nosho woo wumwe mbono opo tau ka pitithwa muNovomba nuumvo. “Aahiki ngalo mbono yedhina Shemiyetu oyo owala taya ka kwatelwamo mo kavideo, ooyakwawo yalwe ota ya ka imba owala ongulohi ndjono,” Haimbala ta ti.

Ndjino oyo opoloyeka ye onene, Haimbala ngono ali anyanyukwa ta tseyitha.  Okwa kala iipyakidhila uule wovula ayihe nokwiiteela kutya ota shi fala oongalo dhe onkatu imwe pombanda.  “Oka video hano ota ka kala oshinima oshinene monkalamwenyo oshoka ota ka tsikile nokulandwa nando onda si. Epupi ndi tali ya ota li kala la tseya kutya okwa li kuna omuhikingalo wedhina Susana Haimbala,” ta gwedha po ena omukumo.

Okwa ithana ayehe mboka ye hole oongalo dhopamuthigululwakalo naambo yiiteela muye opo yeye ya pulakene kehiko lyoongalo okuza kaahikingalo noongundu dha yoolokathana. Uutekete ota u monika po Antonio Art nosho woo ko College of the Art mondoolopa.

 

KuSabina Elago

LEAVE A REPLY

Please enter your comment!
Please enter your name here