Kapolo endhindhiliko lyuunambano wesindano lyoshipa oshiluudhe

0
277

WINDHOEK – Lazarus Kapolo nedhina lyatsesiyika nawa Kappies nayamwe yomookuume ke mwa kwatelwa Nakusa Daniel Haitembu oya tula uukuni kumwe opo yavule okukondjitha yamwe yomaamatuki yopashiwana nokukutha ombinga muudhano wokumatuka. Ethimbo kalile pethimbo lyokatongotongo aalumentu mbaka yaali  sho yalandulwa koyendji molwiintalendi yawo noya tameke nokuli okukongwa miifonkundana nokupitilila oyendji yomaadhanitanga pethimbo ndyoka ngaashi oo” Hermann “Pele” Blackschke, Oscar Mengo, Lemmy Narib and Pius Eigo Muule wethimbo efupi lela aalumentu mbaka yaali ya ningi iiholelwa iiwanawa moshigwana nofuula oyendji yomaaholi yomaudhano. Mboka oyendji nopethimbo ndyoka yali ya tala noyii taala kutya aantu yoshipa oshitokele oyo owala yali taa vulu okukala aamatuki dhingi moshilongo.

Nakusa Haitembu ngoka atetekela nale nokuli na “Kappie” yaningi omapenda dhingi moshigwana shaaludhe mboka kakwali taa vulu okushi itaala noyakala nokunyanyukilwa nokuhambelelelwa kooyakwawo.

A putukile mokamukunda okashona lela MoNiimwandi keli ookilometa  ntano (5km) kuuzilo woShakati, “Kappie” yemwene okwali lela akaninge gumwe gwomaamatuki dhingi muuyuni. Omolwonkalo nuunkundi meputuko kakwali tavulu okumatuka eekilometa omilongo hetatu (80km) esiku kehe.mokuya kosikola nokuzako  okuza omaandaha sigo etitano.

“Otwali twa matukithwa nokushuna komagumbo mbalambala konima yosikola muule wontundi yimwe molwaashoka otwali tuna okuka takamitha nokufala iimuna kelundu, “ avalelwa Mokakukiipupu “Kappie” osho ahokolola neyadhimo

“Kapie” okwa mono ompito yokukutha ombinga momaudhano sho atambulilwa moshiputudhilo shosikola yopombanda Mongwendiva, nokonima ehangano lyoomina pethimbo hali ithanwa (CDM) Consolidated Diamond Mine olya ulike ehalo okumukuthapo omolwo oshitalendi shi hokitha shili muye.

Pomimvo tuu mpoka “Kappie” a yakulwapo kuCDM shikwetelwe komeho ku Chris Esterhuyzen gumwe gwomaanambelewa yopombdanda yaCDM ngoka a uvanekele okukokeka oshitalendi sha”Kappie.”. Omasiku hamale “Kappie” a taaguluka oongamba dhoshilongo shaNamibia nokwa ningi enyakwa dhingi okwa matuka miilongo ngaashi Rhodesia (Zimbambwe), Germany, France nokoPoland moka amatuka nokwakondhithathana naamatuki yoonkantu dhopambanda elela.

Oshitalendi sha “Kappies” oshakala nokulonda komeho. Momumvo gwomilongo 1978 “Kappie” a ulukile ishewe komutse gwondjamba yamwe yomaamatuki aakulu noyeli aanasikola okuza koDobra noko Augustineum sho aningi omusindani dhingi nokwasindana ekopi lyoshingoli pokapale komapendafule katseyika nawa kedhina “South West Africa National Athletic mOtjiwarongo. Pethimbo ndika “Kappie” okwa sinda oshingoli moshinano shoometa 1500m, 3000m no 5000m.

 

Omolwo masindano ga”Kappies” mpaka naampeyaka, inashi kala olule oshitalendi sha “Kappies” sha dhimbululwa ishewe kaanambelewa aakuluntu yomaudhano yokutondoka momudhingoloko. Shika osha holoka sho”Kappies” a sindana limwe lyomomathigathano dhingi nagumwe ngoka ali omutondoki dhingi miinano iileka atseyika nawa “George Uarotua” Mukuahima” ngoka ali atseyika kakukutu komatanga mokumatuka iinano iileka. “

Momumvo gwomilongo 1979 “Kappies” a endulula esindano natango sho a sindana ekopi methigathano  lyopashigwana hali ithanwa South West Africa  athletic Championship lyaningilwa moshilandopangelo shaNamibia Kashali oshikumwithi pethimbo tuu mpoka “Kappie” okwa pewa onkatu noshinakugwanitha akale omunambelewa gwomaudhano ku CDM, mpoka eli halongo sigo onena.

 

”Kappies” oye omulumentu dhingi momaudhano moSouth West Africa (Namibia) momumvo gwomilongo hetatu (1980). Nonando edhina Kapolo lyatseika nawa muNamibia pethimbo lyokatongotongo, Kapolo okwa nyolulula ondjokonona mokuninga gumwe gwomaatondoki yaaluudhe pamwe na Salome Maritz ngoka ali wo apewa esindano lyomukiintu dhingi momaudhano. Pamwe nakuume ke Haitembu Daniel, “Kappies” okwa kutha ombiga momathigathano kohi yepandela lyaGermany gokUumbugantu momathigathano giilongo yaEuropa.

Omunamimvo omilongo 59 okwa tumbula kutya “molwashoka pethimbo ndyoka South Africa okwali a indikwa kaakuthe ombinga muudhano wopaigwana,omolwoveta yokatongotongo moshiwana. YeNamibia kali atalikwako ongoshilongo oyali ya fiminikwa okulongitha epandela lyaandowishi (Germany), molwashoka Namibia okwali kwatalika kutya shimwe shomiitopolwa iititano ya South Africa nomolwaashoka kayali taavulu okulongitha epandela lyaSouth Africa. .

 

Mokuhokolola limwe lyomasindano ge dhingi okwa asindana gwotango moshinano shoometa 1500m mo Vienna , Australia, nopethimbo tuu ndyoka okwa li wo ali a kutha a omumatuki dhingi muuyuni ekopi lyiinano yopokati atseyika nawa Sebastiana Coe waIingilisa (Britain).

“Kappies” okwali wo iidheula nawa mokukala kwe oomwedhi hamano mu Germany shokUumbugantu (West-Germany)moka a sindanene nokweya monomola ontiyali notindatu mokati komanyakwa dhingi mokumatuka miilongo yaEurope ngaashi mu Berlin, Stuttgart, Bochum, Munich, nagamwe gomiilando yasimana muFrance na Austria nomuPoland. Ota tumbula nohole nenyanyu nkene ali ashambukwa molweendo lwe lwotango pauyuni okukalepo evu lyooyina mu Salisbury ,Rhodesia (Zimbambwe) momumvo gwomilongo 1977.

“Kappies” okwali wo akwatelwa mongundu yokakukutu dhingi mokumatuka naHaitembu nagumwe okuza posikola yopombanda yAugustineum gwedhina Gabriel Nembeya. Nembeya okwa sindana ekopi lyoshingoli moshinano shoometa 500m na Haitembu okwa sindana oshingoli noshisiliveri miinano ayihe yoometa 400m no 200m. Nonando Kapolo okwali a uva nayi sho asindana monomola ontinhatu shika kashali shemuteya omkumo meithano lye lyokumatuka nokakwali nokuli atala konima okuza mpaka.

Ethigathano lyakalandulako Kapolo okwa li alongo nuudhiginini eta sindana monomola yotango mu SWA moometa 800m muule wethimbo efupi lela (ominute yimwe,ooseconde omilong nhe naheayli oshighwanu nol) pethimbo yakamatukile omathigathano mu South Africa muBloemfontein. Okwa thigipo omapenda omakulu gooSpringboks Danie Goosen and Flippe Prinsloo monomola oontiyali noontindatu. Esindano lyaKapolo kalya li lyamonikwamo nale moshilongo shaNamibia konyal omimvo 21 sigo omumvo gwomauvi gaali (2001) moka omumatuki dhingi gwaNamibia Daniel Nghipandulwa a li a tondoka uule woometa 800m mominute 1 nooseconde 6 -2 momumvo gwomilongo 2011.

Gamwe gomomathimbo omawanawa gaKappie ota dhimbulukwa sho ali a hogololwa akalelepo ongundu yaambo aashona yoSpringbok moka yali taa kondjithathana noSpringbok yaakuluntu mushimwe shoomiigongi yasimana mo Cape town, South Africa. “Kappies” okwa sindanene omutiyali eya konima yapendafule Johan Fourie . Nonando okwali monomola ontiyali kuye oshali esidano enene molwaashoka “Kappies” okwali amana moominute ooshona lela. Tatumbula nokuli kutya okwamanene mominute yime (47.0) limwe yomasindano ge omatitatu moshitalendi she monkalamwenyo.

Bra “Kappies” okwa kutha wo ombinga muudhano wokoompadhi ali nokuli  gumwe gwomaadhani aavuliki sigo pethimbo ndyoka Rusten Mogane ali okamatyona temukutha omukumo wokudhana etanga lyokoompadhi.

Tatumbula tati otwayile okukutha ombinga muudhano wokoompadhi pokati koosekundoskola dhopombanda ya St Joseph na Augutineum otwadhengelwe 7-1. Pethimbo ndyoka Rusten Mogane okwali okamatyona okashona lela okwa mbonyonapo ongundu nokupita onga ombele yahonga tayitete omboloto.

Tadhimbulukwa wo nokugwedhapo kutya okwali wo na uupyakadhi na Albert Tjihero pethimbo yali taa kondjithathana nosekundoskola yopombanda ya St Joseph (Dobra).

Nomanyenyeto Kapolo ota tumbula kutya aanambelewa aakuluntu yomaudhano mepangelo lyaNamibia kayena esimaneko lyomapenda naadhani dhingi yakuthile ompito momaudhano. Okwa ita yela kutya oshinima shili ngaaka otashi ningilwa owina opo yakaleke oyendji yomaakudhimbinga mokumatuka yakalekwe kokule nomaungaungo. “Shika osho shimwe tashi shunitha konima uudhano wokumatuka moshilongo. Aanambelewa yomaudhano pethimbo ndika oyeli owala ya hala okuninga oshimaliwa manga taa longitha uunambano woshilongo mokwiihola yoyen,” ta ti.

Caption (Pic: Kappies & Wify Juliana.jpg): Konima sho a thigipo oshitalendi momumvo gwomilongo 1984, Kappies nomukulukadhi gwe oya toto po ehangano lyoku ungaunga niinima yomaudhano. Nonando ha monika mpaka naampeyaka “Kappies ohole yomauthano natango omo yili muye . Pomathimbo ge gomayinyanyudho ohadhana etanga lyomakambamba.

 

KuCarlos Kambaekwa

 

LEAVE A REPLY

Please enter your comment!
Please enter your name here