Oku pokaguluthana noongonyo kwa fuula oyendji shi vulithe okumatuka to kondjele etanga

0
179

WINDHOEK -Oshi li pambelewa, shoka sha li sha talika ko onga oshiholike- nima uuna taku popiwa omaudhano, oshi li po tashi hala okushuna omutse miipeta nga Kahima kandodi sho uudhano wokwiipa uuhandja we ya tawu endele ko kashona ashike, aakwashigwana oya holola ohokwe muyo. Uudhano wetanga lyokoompadhi uuna tashi ya poku holika aaye, nawu tegelele manga. Kawu vula we okweenda tawu ifele , oongonyo osho dha tokola okukala dhi holikwe omasiku ngaka.

 

To thimbula kutya pamwe uudhano wetanga lyokoompadhiwoLiga Onene yaNamibia [Namibia Premier League- NPL] mboka tawu ka dhana omandhingoloko ga hugunina mehuliloshiwike ndika, pokati kaamboka yiizalomwa kayi fuula yoEleven Arrows naTura Magic, itawu ka kala naayambidhidhi oyendji. Aalongekidhi yomaudhano ngaka oya tokola nokuli opo wu ka dhanenwe kokapale kaKuisebmond koWalvis-Bay [kOmbaye].

Aantu mboka ya adha po nawa paalongekidhi oya lombwele oshikondo shomaudhano shoNew Era taya ti, molwashoka oku na uudhano woongonyo moka ooKakukutu muudhano mbuka taya ka pingakanitha uuhandja moshinyanga shaRamatex moWindhoek, ope na uumbanda uunene kutya otashi vulika aantu oyendji mboka ihaa yambidhidha naanaa etanga lyokoompadhi, taya ka tokola ngaa opo ya ka longithe iimaliwa yawo moku tala omaudhano goongonyo. Pamwe aantu itaya ka hala okumana po ethimbo lyawo noku kala ya tutha mo ashike omeho taa tala  aalumentu taa matuka unene ya lamba oshinima shi li ongonga  aniwa etanga pehala lyokutala aamati taya potagulathana.

 

Oshilando shaWindhoek otashi ka kala shina omaipyakidhilo ogendji kombinga yomaudhano ngaashi orugby ndjoka tayi ka dhanenwa wo moshilando mpoka omanyakwa gaNamibia goWestern Suburbs taga ka gamenena po ekopi lyago naadhani mboka ya kindja nayi yoRehoboth Rugby tashi ka ningilwa pokapale kaHage Geingob mOlyomakaya.

Aawiliki yetanga lyokoompadhi oyeshi taambako ngaa nee kutya ya dhengwa mo komaudhano galwe molwashoka sho ya tala, uudhano wetanga lyokoompadhi otashi vulika wu ka dhanwe pokapale ken a ashike iipundi yaana aantu nonkene ya tokola opo omaudhano gomandhingoloko gahugunin agoLiga gaka dhanenwe koWalvis-Bay. Shika osha tokolwa ngaa nee ngaka  netompelo ishewe lyokutya, yo nduno mbok ataya ka dhana hayo naanaa ya fuula omuntu opo wu ye u ka tale etanga.

 

KuCarlos Kambaekwa

LEAVE A REPLY

Please enter your comment!
Please enter your name here