Omumwange omumati ina ndi mu dipayela owina

0
251

WALVIS BAY –  Omunamido 46 womolukanda oKuisebmond, David Thomas, ina monika ondjo eshi a dipaya omonamati weedula 8, eshi a holoka momhangu lwotete mOmbaye.  “Ina ndi dipaya omonamati wange.  Onda kufa ombishitoli, handi ilukile nokwa li ndahala oku i tula moshikefa ndi i tuvikile.  Oya topa ina ndi shi teelela,” Thomas oo kwali anyika oluhodi ta popi eshi aholoka momhangu onghela shi nasha ne dipayo.

Okwa holoka komesho yaMangestrata Vicky Nickolaidis omanga omukalelipo woshilongo okwa li Ivan Tjizu. Meholokepo laye lotete, Thomas okwa li alombwelwa kutya ota dulu okukonga omukalelipo waye wopaveta ile akonge paumwene omunaveta.

Omukalelipo paveta woshilongo, Tjizu okwa li eli omhinge no booloha, tayelifa tati omakonaakono moshibofa inaapwa natango shaashi ovayandjimbangi moshibofa inavelixwapo natango.  “Epangelo olili omhinge no booloxa ponghatu apa tuli paife molwaashi oshibofa eshi oshakula no kwa indila oshibofa shi undululwe komafiku 5 Novomba.  Otwa pumbwa yoo omaumbangi taadi koilyo yedimo ya naku tamanekwa nonghee nee otuna oumbada kutya naku tamanekwa ota kaya oilonga ei moshipala ngeenge a pewa obooloxa, “ Tjizu ta hokolola.

 

Oshibofa osha undulilwa komafiku 5 Novomba manga omakonaakono taa twikile na naku tamananekwa akonge omupopiliko paveta.

 

Oku diilila kOpolifi yaMbaye, Thomas okwa yasha nokwa dipaya omonamati oo kwali akofa meumbo lavo, omo yoo kwali muna oshitufi shili metifa.

 

Opolifi oya lopota kutya edipayo eli ola ningwa keengulasha dolomakaya peumbo lova kwanedimo lonomola 2440/14 mepandaanda John Moyo moKuisebmond.

Omukwatanifikumwe momakonaakono oimbuluma woPolifi mErongo, Inspector Erastus Iikuyu okwa popya tati, naku tamanekwa okwa monikwa ena ondjebo momake aye efimbo kwali tavanu monduda oyo yashaama naayo omo kwali mwanangala omonamati.

Opolifi ta i popi vali kutya, Thomas okwa kundanekwa nee kwali ahala oku tuvikila ondjebo moshikefa shokutuvikila osho shalopotwa kutya okwa li shi li monduda omo mwa nangla omonamati.  “Osha talikwako kutya okwa ya monduda omo kwa li mwa nangala omonamati nelalakano lo ku patela ondjebo moshikefa shokutuvikila.  Ashike nee ondjebo oya topa inashi teelelwa, nomonamati okwa yashwa monhulo.  Oholo oya ya yaukilila muye, noye mu dipaya pefimbo tuu opo.  Omukalo nee ou kwali ekwete ondjebo nongeenge oina oka tuvikilo ina shi shiivika natango kopolifi,” ta weda po ngaho.

Iikuyu okwa popya yoo kutya naku tamanekwa okwa li akolwa eshi oshiningwanima osho shaholoka.  Nakutamanekwa okwa lopotwa yoo kutya ita dimbulukwa edipayo olo efiku la landula ko eshi kwali eli moma pulaapulo kOpolifi.


Ku Eveline de Klerk

LEAVE A REPLY

Please enter your comment!
Please enter your name here