Ongundu yolwiimbo Dr Ndeutala

0
894

 

ONTANANGA – Yimwe yomoongundu dholwiimbo yi li kohi  yelelo lya “M’uambo Musical Works” oya lukilwa omundohotola gwedhina Ndeutala Angolo-Amutenya, ngoka e li Amushanga ta kalelele mUuminisiteli wegameno.

 

Shika osha li sha hololelwa oshifo shoshigwana Kundana, komuleli gwa M’uambo Musical Works, Peter Ambambi, a tseyika nawa nedhina Omuwambo Gwa-Ambambi.

Aayimbi oyendji yomongundu yolwiimbo Dr Ndeutala , oya za megongalo lya Evangelical Lutheran Churches in Namibia (ELCN) kOntananga.  Meme Martha gwa Nale Amwaama na Tate Tommy Tonata Shikongo oyo aakuluntu naakwateli komeho yongundu ndjika.

Kansela gwoshikandjohogololo Olukonda moshitopolwa shaShikoto omusimanekwa Mbolondondo Shikongo, oye e li onga omwiimbi gwewi enene nombaatha  mongundu ndjika.

Omasiku hamale ga kadhilongela ongundu oyo tuu ndjika oya pititha oAlubuma yawo  yoondjimbo omulongo tayi ithanwa “Uuyuni mbu sho nde u tale”. Uungalo awuhe mbu wu li moalubuma muka owa  shangwa kaayimbi ayehe yongundu, kakele ku kamwe hoka ka za mEpisalomo: 93:1-5. Oongowela dhuungalo awuhe odha totwa po kOmuwambo Gwaambambi.

 

M’uambo Musical Works oyi na oongundu dhi li omilongo ntano nane (54) muNamibia alihe. Molwaashoka uuhuku woku iyengela ihawu zi, Omuwambo Gwaambambi okwa ti mongashingeyi  oya tegelela oongundu dhimwe dhi ilile yatse uukuni kumwe notadhi ka kala kohi ya M’uambo Musical Works, oku ziilila miikandjohogololo yawo.


KuPinehas Nakaziko

LEAVE A REPLY

Please enter your comment!
Please enter your name here