Opoloyeka yOmahangu yo NYC pOmauni, ya eta oiimati

0
219

EENHANA – Ya totwa po eedula hamano da pita koNational Youth Service, opoloyeka yOmahangu pOmauni oyo ili eekilometa 80 kondje yOkongo moshitukulwahoololo shaHangwena, opoloyeka oyo younamapya oili oyo hai longo omahangu ahapu monooli nande odula ei kuna oshikukuta neenghono.

 

Opoloyeka younamapya yoNational Youth Service pOmauni oya eta po yoo eemhito dihapu doilonga no tai yandje yoo omaunongo kovanyasha ovaliyambi moushilo woshitukulwa hoololo shaHangwena.

Omukulunhu pofaalama opo, Gabriel Athanasiu, okwa lombwela engafifi looKansela vo moHangwena ovo kwa li veya oku talelapo mosheendo shavo ko vakwashiwana nosho yoo keePoloyeka moshitukulwa oshivike shadjako.

“Nande oshilongo shetu shi li ina shi mona odula, onghee tuli hatu limi omahangu.  Odula ei opoloyeka yetu oya longa eeshako domahangu dili 850 no tweli longekida opo tu kale tuna eameno loikulya moshitukulwa shetu pehena omulandu wokutekela,” ta popi tati ngaho.

Opoloyeka ei yomahangu oili ponhele yee hecta 58.

Gabriel Athanasiu okwa lombwela omutoolinghundana woNew Era kutya, nande vena omhumbwe yovanailonga shaashi ovanyasha moshitopolwa ina va hala okuliyamba, mopaife ngaha ovena ovanyasha ovaliyambi ovo hava longo mopoloyeka veli 36.

 

“Molwaashi fye otwa tokola okulonga omahangu momudo ou wondjala noshikukuta, oha tu indile kelelo lopashitopolwa no sho yoo kelelo lopamufyuululwakalo opo ve tupe edu shaashi otwa pumbwa oku tekula oshiwana nomahangu awana.  Epya letu ola pumbwa oku wedelwa opo tukale ha tu kufamo eeshako di dulife po850,” ta yelifa.

 

Opoloyeka yomahangu pOmauni ohai longo eeshako di dulife po850 odula keshe novalandi vavo vakula ovo Agronomy Namibia nosho yoo ovalandi ovo hava di momokunda no koitopolwa i kwao.

Mokati kooKansela ovo kwali tava talelepo oshitopolwa omwa kwatelwa Kansela wo kOndobe wongudu yoSWAPO, Mandume Pohamba oo kwali a pandula no kwa twa omukumo oanyasha eshi va longa noudiinini moku longela oshiwana shaNamibia nande pena omaudjuu elili noku lili.

“Eshi ota sheetifa omukumo noshilongo eshi Namibia osha pumbwa ovanyasha veli ngaashi nyee ava tamulongo oikumwifalonga yeameno loikulya moshilongo.  Ita tu dulu okweefa opoloyeka ei younamapya i fyepo noku xulifapo eetepo loikulya yetu yefiku keshe, omahangu.  Oha tu ka unganeka ovanyasha koitopolwa yetu opo veuye va longe oku,” ta kunghilile.

 

Edu eli lopoloyeka younamapya yo NYS ola kala nokweeta oiimati okudja eshi elelolopamufyuululwakalo  lOukwanyama nooKansela moshitukulwa mOhangwena , eshi oshivike shadjako vaninga eindilo kOuministeli wounamapya opo vapewe omakwafelo okudja kepangelo nomovakwashiwana mwa kwatelwa ovanangeshefa nelalakano okuyambulapo opoloyeka ei.

“Ei opoloyeka ili pombada meepoloyeka odo tuna moshitukulwa shetu.  Ovanyasha ovena ehalo lokuliyamba ndele otuna oudjuu.  Omukalo woikunini oo omukalo oo tuna okutotapo eemhito doilonga.  Omadeulo otaa ka yandjwa oshali no tuna nee okutwa ovanyasha omukumo opo veuye va longe meepoloyeka doludi eli.  Opoloyeka ei oili onga omhito yoku etapo oilonga no ta i yambidida yoo edilaadilo lovanhu vakale velifikamenpo kuvo vene osho shili momulandu wepangelo oo uli koshi yeepoloxalama do Green Scheme,” Kansela Mandume Pohamba ta tu omukumo.

Josiah Lukas womido 25, omuliyambi wo National Youth Service oo kwali yoo elipyakidila noku longa omahangu pofaalama opo, okwa hokolola kutya, nonande ovanyasha vahapu veedula daye kavena ehalo loku longa oilya yomahangu pofaalama opo, ovanamikunda vopopepi oha veuya omalufe oku va kwafela pefimbo lodula.

 

“Otu na oomeekulu noo tatekulu ovo velitulamo pamwe novakwanedimo vavo ovo have ya oku kwafela veliyamba ngeenge hatu longekida eendima detu. Ohatu vape yoo omahangu onga olupangu.  Otuudite etumba fyee onga ovanyasha tu li koshi yo NYS, oha tu wanifa po oinakuwanifwa yetu moku kwashilipaleka kutya open a eameno loikulya moshitopolwa nosho yoo moshiwana,” ta hokolola.

Josiah Lukas mo NYS okwa yam o modula 2011 no kwa hoolola ounamapya onga oshilongwa shaye.  Ofaalama oili ponhele yee hecta 58 no hai kunu yoo tai teya omahangu, oha i longo omahangu ongushu oo haalongifwa kovakalimo moshitopolwa nosho yoo oshiwana ashishe koonono.

oNYS oya yandja yoo oilongo ilili kopoloyeka ei ngaashi omambakumbaku o John Deere, outemba, oipululo nosho yoo oilongifo ikwao.  Ookansela veli omuwoi vo moshitopolwa shaHangwena okwa li va talelapo opolyeka ei op ova tale nghee tai xumu komesho.

 


Ku Clemence Tashaya

LEAVE A REPLY

Please enter your comment!
Please enter your name here