The Dogg ta ka tseyitha oalubuma yedhina Live or Die

0
179

Omuhikingalo wopashigwana Martin Morocky a tseyika wo nawa nedhina “ The Dogg”, otaka tseyitha oalubuma yaye yongashingeyi yoongalo  yedhina “ Live or Die” ongulohi yonena pokapale ko moKhomasdal moWindhoek.

 

Etseyitho ndika lyoongalo otali ka endela wo pamwe noku ulika aahikingalo yomoshilongo mboka oyendji yomuyo ya imba pamwe na “The Dogg” omaimbilo gamwe. Aahikingalo ongaashi: Gazza, Exit, Sally, Sunny Boy, Dixon nosho yoo Ongoro NOmundu, Ompuff, Maszanga, M-Jay, Mutjanga Ben nooyakwawo oyendji.

“Oalubuma ndjika kayi shi ashike yoongalo ndhoka hadhi ithanwa  oKwaito ndele, omu na wo  omukwelengendjo nomutono mupe.  “Monale, uuna ondjimbo tayi imbwa nenge tayi dhanwa, osha li oshipu okudhimbulula kutya oya imbwa kulye, ano oto dhimbulula kutya oThe Dogg ta imbi. Ashike, moalubuma ndjika ompe, ope na eyooloko.” ” The Dogg” ta popi.

Oalubuma ndjika tayi ithanwa Live or Die oyi na oongalo 19 moka mu na oondjimbno dha simana ngaashi; ‘This is Us’, ongalo yokumwenyeka ndjoka ya imbwa pamwe na Lil-D naDion (PDK) nongalo onkwawo ompeempee ya nuninwa oku inyenga mo ngaa ndjoka ya imbwa pamwe na Chester na Zita.

 

“Etseyitho lyoongalo ndika, otali ka kala lya dhenga mbanda, molwaashoka kape na ngoka taka kala a hala a pitililwe po kulyo.” Morocky ta popi. Okuza nee mpoka, “The Dogg” ota ka imbila ko woo aantu miilando nomomahala ga yoolokathana ano etseyitho lya ‘Live or Die’  otali ka andjangaanekelwa omahala galwe  kondje yoWindhoek. Omasiku giituthi yoondjimbo ndhika, otaga ka tseyithwa nale konahiya ano komongula.

Etseyitho noku imba oondjimbo dho mo alubuma ndjika ompe ota li ka tameka po18:00. Uumbaapila womapitikilo opo wu vule wu ye meni ngoye toka pulakena nduno nawa komawi  nokuunongo waayimbi nakupwe, ota wu  monikwa koodola dhaNamibia 50.00  uuna to landele posheelo. Ashike, opu na wo uutekete mboka wa kwatela mo okaCD koongalo. Haka, otaka yi ashike moodola dha Namibia 150.00. Aasimani ano mboka mwi isimaneka e tamu simanekwa wo, uutekete waamboka otawu monika koodola dhaNamibia 250. Adhike. Uutekete ota wu monika poositola dhoShoprite oshilongo ashishe, Antonio Art nosho wo po Computicket.

 

LEAVE A REPLY

Please enter your comment!
Please enter your name here