Efiku lipe lomaudano opashiwana oANNA la teelelwa

0
167

Windhoek – Omupelesitende wehangano lashiivika nedina All Namibia Netball Association (ANNA), Alvira Peterson, okwa holola kutya ehangano loANNA ota li ka kala lina oshihongi sha longekidwa momafiku 24 Kotoba omo tava ka kufa efiku lonhomenawina loudano wopashiwana wokatanga kokeenyala oo kwa li wa undulilwa komesho, kwa li una kuka lako odula yaka pita.

 

Peterson okwa popya yoo kutya oshoongalele shavo ita shi ka tala ashike keundulilo lomaudano oo komesho, ashike ota va ka twa yoo omufindo moku tula po omilandu da yela nondunge yoku ya komesho nosho yoo oku konga omikalo da yooloka nghee ehangano li na oku yepa omaudjuu oshimaliwa monakuiwa oo eli po paife.

Moshihongi osho ota mu ka kala yoo omushiiva a fimana omunambelewa omukulunhu mupe wetanga lokeenyala, Monica Bohitile, oo ta ka yelifilwa nawa kombinga yoiningwanima ya taalela ehangano loANNA nosho yoo omadilaadilo neemhangela davo do nakuiwa.

“Oudano ou owa fimana neenghono koshilongo shetu Namibia.  Singapore ova ulika ohokwe oku kufa ombinga noveli ve na ehalo lokudana oudano ou moNamibia. Oilongo ikwao nayo ya ulika ehalo momaudano aa ongaashi Zimbabwe na Botswana.  Oilongo ei ivali, Zimbabwe na Botswana oili imwe yomoilongo ya Africa oyo yeli pyakidila nokutota po nosho yoo oku kulifa omahangano avo outanga vokeenyala, onghee ota shi ka kala ondunge iwa opo oilongo aishe oyo nosho yoo omulongekidi womaudano Namibia opo va nyikafane komilungu voo na Singapore, oo eli umwe womoilongo inyakwa mounyuni  ngee ta shi ya pokatanga kokeenyala,” Peterson ta ti

 

Omaudano okwa li kwa dilaadilwa a kufe ombinga odula twa dja ashike okwa undulilwa komesho nefiku ka kwali la shiivika omo lwa omhumbwe yoshimaliwa oyo ya li po. Peterson okwa popya e na ondjungu kutya ehangano loANNA oli na oku kwashilipaleka kutya omaudano okwa danwa omanga odula ei ina i ya pexulilo.


KuOtniel Hembapu

LEAVE A REPLY

Please enter your comment!
Please enter your name here