Nujoma a pewa epapa loPAWO

0
297

WINDHOEK – Omukokoli president xe yoshiwana  shaNamibia omundokotola Sam Nujoma, okwa  pewa epapa koPan African Women Organisation (PAWO) e li pewa koilyo yolutu lwoomene mongudu yoSWAPO( SWAPO Women Council) shi li oshitukulwa shewanifo leedula 50 dehangano loukumwe waAfrica.  Okwa pewa olupandu eli molwa ekifombinga laye  mokukumika nokuyambula po ovakainhu ovaAfrica, nomolwa eenghendabala daye  koukumwe waAfrica  ( AU)  li wanife omalalakano alo opo enenedu Africa li dule kuli fikamena  loovene.

 

OPAWO  oya totelwa kovakainhu ovaAfrica  moTanzania 1961,va hala ku shiivafana  voo va hangane, opo  va dule ku paafana eewino nokutula kumwe eenghendabala  dokumangululifa ovakainhu ovaAfriva  va dule ku mangululifa enenedu Africa.  Oinyangadalwa yavo oya kala  yoo ombinga youkumwe waAfrica.

OvaNamibia vamwe va pewa yoo omapapa kehangano loPAWO eshi va kumika ovakainhu, oministeli yoshikondo shoikwapondje yoshilongo Netumbo-Nandi Ndaitwah, noshilyo shongudu yoSWAPO kwali meumbo lopashiwana  Pashukeni Shoombe.

Nujoma ota ti, ota popile efikifo pamwe pokati  kovalumenhu novakainhu shi fike  pamwe 50/50 peendodo adishe  dongudu yoSWAPO. Omukokoli president ota ti,  oku na odjuulufi yokumona ovakainhu ve li peendodo dopombada  mongudu yoSWAPO nomomitungilo depangelo odo paife diyadi ovalumenhu.

 

Omangha a longa noudiinini meenghendabala dehangano loPAWO da etifa eifikameno lenenedu Africa, Nujoma okwa indila oilyo oikwateli komesho mewiliko lovakainhu vongudu yoSWAPO i kwashilipale kutya,  meendodo dewiliko omu na ovakainhu. Kwaashi , omukokoli president ota ti, ote va kwafele neitule mo va dule ku longa noudiinini nokukandula po  oluhepo noufyoona , okuhashiiva sha oshoyo omikifi mokati koshiwana .

“Shama wa longo omulumenhu , owa longa omunhu umwe , ndee ngeenge owa longo omukainhu nena owa longa oshiawna  ashishe.

Otu na ku kwashilipala kutya,  ounona vetu ova ya keefikola, fyee tu va kumike  ve lihonge oilongwa  yongushu omwaalu nounongononi opo tu tule ku ulumika  eyambuke po meedjo doushitwe waNambia,” Nujoma ta ti.

Omukokoli president  ou e li yo oshilyo shoPan African, okwa kumika oilyo yevava loomeme moSWAPO i twikile nomikalo  di lile po omalalakano oukumwe waAfrica,  opo oukwatya welongelokumwe u twikile  momakwatafano nomahangano akwao kenenedu Africa,  ngaashi ehangano loPAn African Women Organisations (PAWO) melongelokumwe nomahangano aavo ve li pondje yenenedu.

Pokati opo otwa kundana kutya, omupedu wahamushanga wevava lovakainhu moSWAPO Eunice Ipinge okwa yelifa kutya, oPAWO otai faneke ku tunga eembelewa  moNamibia, netungo otali ka lukilwa  nakufya Putuse Appolous omutoti wehangano loPAWO.

 

KuTonateni Shidhudhu

LEAVE A REPLY

Please enter your comment!
Please enter your name here