Ointernet mbela oya ya ponhele yomambo haa longifwa meefikola

0
274

EENHANA – Enwefemo lelongifo loInternet  ola shambula vahapu nodjo iwa melongifo kovaliiongi nena. Mokutavakana mongulumambo yaEenhana  moshitukulwa shaHangwena,  omushiivinawa okwa didilika kutya, omambo meengulumambo paife otaa fiyafana po neelaptop, neeIpad nelongifo nomikalo delongifo omakwatafano  opaungoba. Omambo okwa yela inaa longifwa , shaashi ovaleshimambo ova  mona po odjo tai fatulula meendelelo   notai yelifa nawa oInternet. Elunduluko melongifo eli ola  kufa po omukalo wekongo louyelele momambo eshi taku longifwa eecompuuter neeCelfone.

 

Omunambelewa mongulumambo yaEenhana, Princess Iitembu ota  ti, nale ovanafikola koiputudilonongelo yakula  nokeefikola da yooloka moshilongo ovali hava kala omutumba efimbo lile mongulu yomambo tava penauka  omauyelele momambo, paife  ohava longifa ounongononi mefimbo lixupi tashi amene nelongnifo leedjo.

 

“Okuninga omapekaapeko paInternet ohashi endelele to mono enyamukulo laashi to kongo diva,   omukalo wa hokiwa kovalihongi  nokovaningi vomapekaapeko.  Ashike omukalo opo we ya po oupu mokwiihonga nomokuninga omapekaapeko, tau xupifa efimbo  mokumona ouyelele oo wa hala, to tape mo ouyelele mokompiuta  ngaashi u li “, osho a ti.

Joseph Kamwi , omunongeki welaka lOshiingilisa koNamibia Training Authority (NTA) te i longele oMaster Degree  moPublic Adminstrtion and Policy (MPA) koshiputudilonongelo shaStellenbosch koSouth Africa,  ota ti,  elongifo loInternet meningo lomapekaapeko ola tana shaashi kashipu ku mona omambo taa pumbiwa meihongo navali oku na unene ondilo.

Okwa tumbula nghee shidjuu kovanafikola  ngee tava kendabala ku  konga omafatululo amwe  nosha  shila vahapu va konge omuayelele pamakwatafano opashinanena.

“Ointernet enyamukulo lomeendelelo kouyelele tau kongwa kovalihongi  ava vehe li peengulumambo  delixwa po, ilo  ovo tava pekaapeka omambo  mape tashi dulika aha kale meefitola domambo momidingonoko.  Omukalo otau kwafa ovalihongi  vaha longife omambo mahapu shaashi mokuninga omapekaapeko to longifa ounongononi, omwiihongi ota  ukilile apa ta mono  ekwafo”,Kamwi ta tumbula.

Kombinga yomauwa mexumokomesho lipe,  Joseph Kamwi okwa  popila oInternet  ta ti, odjo iwa mekongo louyelele meningo lomapakaapeko li li nawa.

 

“Ngeenge to ningi omapekaapeko,  ouwa u li momambo itau kufwa po keedjo dopaInternet. oInternet oya weda keedjo domauyelele oo e li  momambo. Ekonaakono la ningwa pamakwatafano opaungoba otashi dulika lihe li mondjila , shaashi omauyelele mahapu otaa yandjwa pauxupi”, osho a ti.

 

Posani Ncube  ou a lesha omambo e dule po2,000 eshi a li omwiihongi, okwa ti, omambo mahapu  mawa  eedjo douyelele otashi dulika  itaa monika noupu kovalihongi  eshi ouyelele wao itau monika moInternet.

“Ngeenge omwiihongi ta ningi omapekaapeko, oha ongele omauyelele a pitilila  pwaashi ta kongo tashi dulika ouyelele u kale uhe na omwiityo.  Ashike omikalo adishe otadi dulu ku longifwa “ ,osho a weda po.

Ovahongwanhu vamwe ova tumbula kutya, oInternet omukalo uhe li nawa , wa eta ounye unene shaashi hai yandje oihopaenenwa ya tapululwa mokati kovaningimakonaakono. Ovo itava dimine etomeno eli ova holola kutya , nande  to longifa oInternet ou na ku lesha ngaashi ou ta penauna momambo.

Simasiku Kalonda, omunambelewa koshitaimbelewa shaUNAM  mEenhana,  ha ifanwa Simwine  ota ti, oInternet odjo ngongulumambo yoshiwana.

“Omukalo nghee hatu longifa omambo, oifo noinyolwa ikwao,  oo tu na ku landula mokulongifa oInternet mokwoongela omauyelele aeshe”, osho Kalonda  Simwine a tumbula.

 

Ota ti, ngeenge ou shii eshi wa hala, oInternet  ohai yandje enyamukulo diva  kouyelele to kongo.

“Ohai yandje ashike ouyelele diva kwaasho to kongo ngeenge u shii ku i longifa ngaashi naana omambo. Kai pu ngaashi ovanhu vamwe tava dilaadila, nohai yandje omanyamukulo a ngongwa. Omu na oinyanyangidomwa ihapu moInternet”.  Omuleshi oye na tongolole ouyelele oo ta kongo/ta pumbwa. Mokumona ouyelele, ovalihongi novapekaapeki ove na ku ulika oihopaenenwa yaasho tava kongo, opo vaha tapulule omauyelele”,osho a twikila ko.

 

Paulina Sheehama omwiihongi koNAMCOL ota ti, oilongadalwa hava pewa kovanongeki kofikola otava dulu ku i wanifa po noupu mokulongifa oInternet ashike omukalo welongifo lomambo owa pumba.

“Ointernet oiwa ku longifa moifiilwalonga yofikola  shaashi oto  mono omauyelele mahapu to pumbwa”.

Kepulo ngee oya ninga ovalihongi vandene, Paulina ota ti, mokuninga omapekaapeko, okwa lesha omambo sha xupifa efimbo nou na kulesha omambo mahapu .

Ota ti, oInternet inai pewa oushima eshi ihai yandje enyamukulo longushu ndee oushima shapo otau pewa omuningi womakonakono mwene.

KuClemence Tashaya

LEAVE A REPLY

Please enter your comment!
Please enter your name here