Omugundjuka ta nduluka omasiga mooprinta oonkulu.

0
282

ONGWEDIVA-Manga aagundjuka yamwe yi i ninga ookalyamupombo, Gustaf Sackaria okwa kuthako oongaku koomadhi opo alongithe uunongo we wu uvalelwa mo okunduluka oondhila, omasiga noshowo uuketha womalusheno.

Sackaria 26 ngoka avalelwa koKapya mOndangwa okwa ti okwa kala nale ena uunongo wokunduluka iikwamalusheno noshowo oodhila (Nelembe) ashike iilongitho otayi munyenge.

Omumati nguka okwa kongo po nee ondungedhiladhilo wokuninga omasiga nuuketha womalusheno momashina goofax nooprinter dhoka dhakulupa etadhilongo komalusheno.

Sakaria okwa ti ye ina enda nade osikola wuungomba opo I igwedheleko kuunongo we ashike okwa ti oku shishi lela kutya ngele okwa mono omashina geli nawa okunduluka iinima ye uunongo we otawu kakala dhingi no nando inaya kosikola.

“ Ohandi ningi woo omashina gokuhogolola ngoka wo galongwa moomashina omakulu, ngaye ohandi nduluka ishewe oongodhi (telephone) dhoka nda tulamo oomashina goocelula opo yilonge nawa,” Sakaria tati.

Omugundjuka nguka okwa ti okwa tameka okuumba omashina ngaka omanga kwa li ena oomvula hetatu shoka ali eli kosikola yopevi lela.

Okwa ti ngashingeyi oha endaenda ashike takongo omashina ngoka gakulupa pomahala mpoka hapu ekelwa hi iiyagaya oshoka kena lela omukwathi ngoka tavulu okumukwathela niilongitho mbika.

Okaketha kolusheno oha kalongo nee ngeyi, ngele wekatulakolusheno oounit dhoye itadhi inyenge we sigo tokakuthako.  Paufupi otaka kwathele olusheno lu  longe kashona nakashona.

“ Okaketha kolusheno onde kandulukila uunene ngaa aakulupe yokomikunda oshoka oyo kayena iimaliwa yokulanda omalusheno kehe esiku,” Sakaria afatulula.

Sakaria okwa ti wo oti indile moshigwana opo ayambidhidhwe pashimaliwa noshowo kumboka yena omashina gooprinta nenge oofax dhakulupa yemukwathele opo oprojeka ye yi ye komesho.

 

 

Ku Loide Jason

 

LEAVE A REPLY

Please enter your comment!
Please enter your name here