Omukainhu a ekela ohanana kokandjuo

0
203

ONGWEDIVA – Opolifi yomOshitukulwa shaMusati oya patululila omuhainhu omukwashiwana waAngola oshibofa shonghendabala yedipao no yo ku holeka oludalo konima eshi a mona okaana ndee te ka aekele mokandjuo.

Oshiningwanima osha ningilwa mOshikandjohoololo sha Otamazi omo omufekelwa kwali a kutwa onga omunailonga womeumbo.

Otaku hokololwa kutya omukainhu omunamido 22 oo a dile komukunda Omukalu, kOshitenga mo Angola, okwa kwatwa po nokwa holoka momhangu ya Mangestrata mOkahao oshivike eshi.

Ota ku hokololwa kutya Theodor okwa mona okaana ke na oukolele oshivike sha djako, ndee te ke ka ekela melambo lokandjuo kopoushiinda.

Ovashiinda ovo va uda ohanana ta i lili ova dengelela kansela wavo, oo e uya a kufe mo okaana melambo lonyata noku dengela opolifi.

Ohanana na ina ova tuminwa kOshipangelo shEpangelo kOshakati oko ta ku hokololwa kutya ove li monghalo i li xwepo.

Theodor okwa li a teelelwa a holoke mOmhangu yaMangestrata mOkahao onghela.

Opolifi yaMusati oya koleka oshiningwanima eshi.


KuHelvy Shaanika

LEAVE A REPLY

Please enter your comment!
Please enter your name here