Tura Magic a holola uunyakwa e ta sindana

0
199

WINDHOEK – Konima sho osipana yaanyasha ye shi pondola okusindana lwotangotango ekopi, sho ya dhenge  mo osipana yo Eleven Arrows nokoola 1-0  Olyomakaya ga zi ko, okusindana ekopi lyoLiga yedhina Namibia Premier League (NPL)  pokapale ketanga kaKuisebmund mo Walvisbay, Okootya  yoTura Magic Betrus Bock okwa tinda enyanyu ndi ka li mu kole na okwati ndika olyo ethimbo ya longe nuudhiginini ya mone omauwanawa ogendji nogeli hwepo.

Sho a popi nomutoolinkundana gwomaudhao gwoNew Era, konima owala sho osipana ye ya mono epapa ndjoka ye li ilongela, Bock okwa holola euvonayi lye kombinga ya nkene ye shi editha medhingoloko lyotango, ta ti aamati ye kaya li ye na ekwatathano ewanawa mokudhana  yo kaya li taya ulike kutya oya hala lela okusindana ekopi, ashike oshe ke ya ngaa lwokonima yedhingoloko lyotango sho nda popi lela nomuthindo, opo owala omakanda ngano ga tameke okudhana ga mana mo.

Moominute dha hugunina15 dhokehulilo,Tura Magic, ngoka wo a tseyika nawa Magicians unene kaayambidhidhi ye, okwa tameke ta zi mo miipeta a fa Kahima,  na okwa tameke okudhana ta pula komeho uudhano mboka wa shunitha Arrows omutse miipeta iikando oyindji. Opwa li tapu ti pwaka pokati koosipana ndhika mbali, ashike kehulilo Tura Magic okwa faalele epapa kegumbo  okupitila mokoola 1-0.

Esindano nee ndyoka lyopondondo yopombanda moshilongo, ndjoka opo nee taa tameke nalyo, olya etitha nee Bock  a kumagidhe  aadhani ye yaa itumbaleke unene opo ye ki iyadhe owala taa mono oompito dhopombanda ngaashi oLiga yoPremier. Okwa ti kutya otaya ka longitha naanaa esindano lyekopi lyoLiga oku iyambula po moompito oompe dhomaudhano.

“Ondi inekela kutya esindano ndika olye tu pa ompito ombwaanawa tu dhindhilike nkene omathigathano taga ka kala ga kindja, sho osho nee she etitha ndi londodhe aamati yandje yaa kolwe kenyanyu lyesindano, ashike ya kuthe ko esindano ndika onga etsom’kumo lyawo yene oshowo lyosipana ayihe,” Bock ta ti.


KuOtniel Hembapu

LEAVE A REPLY

Please enter your comment!
Please enter your name here