Immanuel Mungandjela ota ka adha oshindji muudhano woongonyo

0
248

WINDHOEK – Omudhengingonyo paithano mondjundo yoJunior Welterweight, Immanuel Mungandjela, okwiilongekidha oku landula moompadhi dhomutetekeli gwe, Joseph “Joe Archer” Shikongo. Nguka oye omudhengingonyo gwotango omuNamibia ngoka a pala ondjila muudhano mbuka paithano.

Mungandjela, gwomimvo 25, nomukalimo gwomOngwediva, okwa tseyika wo, nedhina Onkoshi mongundu yaadhengingonyo. Uudhano woongonyo wopaithano okwe wu tamekele molugodhi ndoka a li a kondjo shithike pamwe nomukondjithi gwe.Konima yolugodhi nduka okwa ka sindana omalugodhi gaali ongo omubokisi paithano.
Nakuumba uuhandja paithano nguka, oye gumwe gwaadhani, yobokisa paithano yahamano, haya dheulwa kolutu lwoongonyo lwomOshakati lwedhina ,Kilimanjaro Boxing Club. Okluba ndjika oyi li mewiliko lyomudhani gwOlimpika,Joseph Bernard. Kakele kaa dhengingonyo mboka yahamano okluba ndjika oyina wo aadhengingonyo yaashi yopaithano yeli omilongo 48 mboka wo yena, oondjodhi dhoku ninga uudhengingonyo eithano lyawo uuna ethimbo lya thiki.

Mungandjela okwa ulike uunyakwa we mokudhenga oongonyo ehuliloshiwike lyapiti molugodhi lwe nomukondjithi gwe, Kennedy Kamati. Olugodhi ndoka lwa kondjelwa pohotela ya Windhoek Country Club, aagandji yiitsa yatatu ayehe ina ya tsa kumwe kutya olye omusindani shuukilila.Yaali olugodhi oya ti olwa sindanwapo ku Mungandjela.
Omukalo gwe gwokuumba oongonyo dhakukuta, nodhomeendelelo, ogwe mu simanekitha komudheuli gwe Bernard , ngoka itaala kutya, nguka ota kaadha oshindji mbala meithano lyobokisa.
“Ondi itaala kutya omumati nguka ngele okwa dheulwa nawa, ota ka ninga enyakwa limwe lyomomanyakwa muudhano mbuka muuyuni”.

“Nando opena iinima yimwe ya pumbwa okwoopalekwa , otandi ku kwashilipaleke kutya , omumati nguka oku li mepola lyuuka, ngaashi shuulikwa kesindano lye, mokudhenga omukondjithi gwe ngoka naye a li a kukuta. Bernard, okwa li omubokisi pethimbo lyuugundjuka we, nokwa li a kalelepo Namibia pomaudhano ngaashi gOlimpika mo Atlanta 1996 nopomaudhano ga All Africa Games moHarare, shaZimbabwe 1995.
Mugandjela kena shoka tashi mu yi moshipala mondjila ye yokudhenga oongonyo paithano, unene tuu sho a li dhenge yimwe nopevi puudhano woongonyo mboka wa dhanenwe pOshikango. Naamboka owa landulwa kuudhano womehuliloshiwike lya piti sho a dhenge mo Kamati.

Eshongo limwe ndyoka lilipo olyo ndyoka lyoshimaliwa, na Bernard okwa indile kaanangeshefa mboka taya vulu oku kwathela ye shi ninge.Okwa pandula mboka yeshi ningi nale, a tothamo omahangano ngaashi, Babyface (Okalongo) Runny Traders, Oshakati Spar na Namibia Funeral Supplies eya pandula noonkondo omolwa eyambidhidho lyawo enene.


Ku Carlos Kambaekwa

LEAVE A REPLY

Please enter your comment!
Please enter your name here