Natu shuneni komuthigululwakalo gwookuku

0
244

Ne aakadhona kaleni mu shi uuthigona waandjeni. Inamu sa we efupa lyiinima yaantu. Yandeni oku ya miihole naalumentu aniwa mwa hala oku ya lila. Omukulu gwonale okwa tile: “ She ku langela osho shi na uunongo wokuku lya”, oto ti ngaa oto lile nani ongoye to lilwa. Omwenyo goye ogu na ongushu koBrazilian hair, noko ngodhi yoGalaxy ngele kushi shi. Kuuwindjii ngaa to gondelwa mofuthi oko ngaa keshonopaleko lyonkalamwenyo yoye kombanda yevi, omolwa ombepo ondhigu tayi pepe ngashingeyi.Takamitha yaa ku faalele. Inamu taamba we iigonda yomofuthi tayi zi kaalumentu. Gwaneni naashoka mu na.Taambeni epukululo ndika omanga inaaku toka.

Onkalo yaagundjuka yonena otayi limbilike. Omuntu oto nyengwa kutya ombepo yi itila muyo otayi zilile peni, hapo ngiika okuninginino, oshoka aniwa oko kwa kala aakwampungu mboka yaa na omikalo nelandulathano. Oshikungulu shi itila maagundjuka yonena osho oshinene sha faalela nokuli oomwenyo dhamwamemekadhona. Epulo olyo ndika kutya ano otatu ka hulilala peni, sho tu li muuyuni wapupyala ngeyi nomefuta lyeso lyiipundjamenye, Olye ano te shi kutha mo.

“Oshigwana shaa na Omuthigululwakalo, osha fa olweendo
lwa tumba lwaa na mpoka lwa thinda”

Ngele oto popi omuntu a dhipagwa muuyuni wonena owa fa ashike to tungu oongano dhoShimbungu naKandje. Aalumentu otwa ninga iilikama nomafukambungu momagumbo getu naapehe. Aagundjuka na twiipuleni nawa, oshoka hoka twa thinda katu shi ko na ishewe kandi shi ngele onatu ka thika ko.
Nonande haku ti kwa ziwa ihaku shunwa polweedhe nduka otwa pumbwa okwiipulapula nawa ngele natu tsikile ngaa nonkalo yetiko lyombinzi no yaantu taa yi idhipaga? Muuyuni wookuku kamwa li omadhipago ganyanyalitha ngaashi tashi ningwa nena. Monale ngele pomukunda opwa sa omuntu owa tila, oshoka eso ka lya li lyiindjipala mwaambuka wonena ngele owa popi omadhipago owa fa ashike to shendjula. Eso moNamibia olya kanitha ongushu, oshoka ihali tilika we ngaashi sha li monakuziwa. Monale ku uva mo omadhipago ngaashi taga ningwa nena, na oto nyengwa nee kutya shoka shi li moNamibia nena osha zi peni? OmuWambo okwa tile: “ Oshithi ohashi landula ompadhi, ano tseni otwa landula moompadhi dhoolye? omuNamibia kehe yamukula ngaka manga ino ninga omatokolo gaa shoka to dhiladhila. Aalumentu otseni tatu eta eso moku kutula aana yaantu ominino, moku ya yaha twa fa aakongo, tse twaana epitikilo lyuukongo waana yaantu?”

Nashi kale sha yelela omulumentu kehe kutya oshinima shokudhipaga aana yaantu nashi hulithwepo.Ino dhipaga omuna gwaantu, oshoka okuna uthemba wokukala nomwenyo, na Kalunga oye ashike ena uuthemba wokukuthamo omufudho ngoka a tula momuntu gwe. Aalumentu yandeni oku gondela aaholike yeni aniwa mofuthi , ngoye ngele wa hengwa ngoye to dhipaga omuholike gwoye, molwiigonda yoye, ngoye ka kwali we yi pulwa nando okulye.Yalumentu tu kotokeni e tatu ziko konima yesiga.

Otandi indile aakuluntu yetu tu shuneni komukalo gookuku nootatekulu
opo tu kaleni noshilongo shi na ombili nelongelo kumwe. Uuteku nawu tameke momagumbo.

Aalumentu yonena otwa kataluma okuyeleka nootatekulu yonale, oshoka yo oya li haa gondo paveta, nongele opwa holoka epuko lyasha nena omukadhona ota futithwa. Ihe tseni otatu gondeni aana yaantu pwaa na ontseyo yaakuluntu yawo. Tse natu tseyeni kutya kape na esiku omunona a vule Omukuluntu oondunge. Nonande tu dhine oohedhi dhookuku kape na esiku tu ya vule montseyo. Okugonda pambelewa oye ku tulapo sho ye shi shi kutya omadhiladhilalo gaantu ohaga vulu okulunduka nomuntu ota vulu oku mona po omuholike gumwe. Omukulu gwonale ina puka sho ta ti: (“Oshigwana shaa na Omuthigululwakalo, osha fa olweendo lwa tumba lwaa na mpoka lwa thinda”). Oshilongo shetu otashi kanitha oohedhi dhookuku.Ano natu tseyeni onakuziwa, noshowo onkalo moka tuli nena.

Ne aakadhona kaleni mu shi uuthigona wandjeni. Inamu sa we efupa lyiinima yaantu. Yandeni oku ya miihole naalumentu aniwa mwa hala oku ya lila. Omukulu gwonale okwa tile: “ She ku langela osho shi na uunongo wokuku lya”, oto ti ngaa oto lile nani ongoye to lilwa. Omwenyo goye ogu na ongushu koBrazilian hair, noko ngodhi yoGalaxy ngele kushi shi. Kuuwindjii ngaa to gondelwa mofuthi oko ngaa keshonopaleko lyonkalamwenyo yoye kombanda yevi, omolwa ombepo ondhigu tayi pepe ngashingeyi.Takamitha yaa ku faalele. Inamu taamba we iigonda yomofuthi tayi zi kaalumentu. Gwaneni naashoka mu na.Taambeni epukululo ndika omanga inaaku toka.
Aatoti yooveta, Aaleleli yopankuluhedhi, Aaleleli yopayitopolwa oshowo Aawiliki yopambepo, indeni mo moshinima oshoka ngele hasho aantu mbaka ota mu ke ya pulwa.
Yalumentu aakwetu, ngele tashi tu dhipagitha aana yaantu omaliko, tseyeni kutya iipala ihayi landwa. Yamwe ohamu gandja ashihe mwa fa mwa tulilwa omuti peziko, aniwa ota mu ulike ohole. Dhimbulukwa kutya ohole iha yi ulikwa nomaliko, omuntu ngele oku ku hole oku ku hole ashike ngaashi wu li.Hulithenipo okugonda kwaali melandulathano.

Gonale okwa tile: “Dha londoka ihadhi yi itaa, ye kee ku lombwele keshi gwoye”. Akwetu tse otwa loloka oonkundana dhombinzi yaamwameme ta yi tika. Otandi indile aakuluntu yetu tu shuneni komukalo gookuku nootatekulu opo tu kaleni noshilongo shi na ombili nelongelo kumwe. Uuteku nawu tameke momagumbo. Aanona naalongwe ontiloKalunga ndjoka oyo ekota lyuunongo awuhe. Aavali hungileni naanona yaamati kombinga yokwe endela nokugonda omukadhona, opo ku yandwe iigonda yomofuthi.

Aakadhona wo na ya hungilwe nayo opo ya hulithe po oshinima shoka shokulila aana yo yakwawo.

* Simon Shiwanda omulongi gwomalaka Posekundosikola yaNuuyoma moshitopolwa shaMusati.

KuSimon Shiwanda

LEAVE A REPLY

Please enter your comment!
Please enter your name here