Omaima ehe shivike a dipaa oikombo ine mOngwediva

0
278

ONGWEDIVA – Ovakalimo vomodolopa yaNgwediva ova kumwifwa neenghono koikombo oyo ya hangwa ya fya, ya fipwa ohonde koshiima ile oinima i he shivike.
Ongula yEtivali loshivike eshi, ovanailonga mElelo laNgwediva ove li twa oikombo ine yafya pomakulukuma opOkamini oko ka pile po.

Mokukonaakona, ovanailonga ovo va li pamwe nOmuyandjimulombo mElelo laNgwediva, Andreas Uutoni, ova mona kutya oikombo oyo oya dipawa ashike, ndele i na i liwa ombelela.

Pakutala, oimuna oyo ota i monika yoo ya fipwa ohonde. Nopopepi noikombo opa nyanyangwa komakasha manene, oo ookatalekonawa tava hokolola kutya oku dule omakasha oombwa kokule.
Uutoni ta ti, elelo lodoolopa eshi la pulapula, o la uda kutya oikombo oyo oya Mwenewomukunda Okatope Tatekulu Mandume Iileka.
Okatope oko ka kala komingenge dodoolopa yaNgwediva, omafiku aa oka ninga oshitukulwa shodoolopa.

“Oikombo ohatu i twala ketoto tu ke i xwike po. Na tatekulu Iileka, mwene wa yo okwa itavela kutya na i xwikwepo,” Uutoni ta ti.
KuHelvy Shaanika

LEAVE A REPLY

Please enter your comment!
Please enter your name here