Yamwe yomOtamanzi natango otaya nu omeya omalulu na oya tegelela ngoka omatoye ge ya adhe

0
203

ONGWEDIVA- Nonando oshilongo otashi humu komeho, aakalimo yomOmapopo, Onghaanghaa, Uuhama waAmwalwa noshowo Kambonde kaAmwala mOngandjera onkee ngaa ta ya nu omeya omalulu.

Kansela gwoshikandjohogololo shaTamanzi okwa ti ngashingeyi otashi pula aakalimo mbaka, opo ya fute yakwawo yokomikunda dhimwe, opo ya mone omeya ga yela.
Johannes Iiyambo okwa ti ye okwa tula mo omayindilo gomeya omayelele ga etwe pomikunda ndhoka dha tumbulwa pombanda, ashike kapu na tuu nande eyamukulo lya sha okuzilila kombelewa yOmeya nUunamapya mOwambo.

“ Ngame onda tuma oombapila dha adha pumbali ngashingeyi okuza omvula ya zako sigo onuumvo ashike kapu na nando eyamukulo tali etitha oonkondo kaakwashigwana,” Iiyambo ta ti.
Okwa ti ne, ngashingeyi aakwashigwana ohaya futu oondola dhaNamibia ntano mendini limwe okuza komikunda dhopuushiinda ndhoka dhi na oopomba dhomeya ga yela.

“Aakwashigwana mboka ka ye na, iimaliwa onkee ngaa nee ta ya tsikile nokunwa omeya omalulu ngoka kage na uuyogoki washa,” Iiyambo a ti a lulilwa.
Iiyambo okwa ti aakalimo mbaka oya kala nokunwa omeya omalulu okuza omvula yemanguluko sigo opaife.


KuLoide Jason

LEAVE A REPLY

Please enter your comment!
Please enter your name here